3 અને 4 ઓગસ્ટના રોજ કેમ્પનું આયોજન, આવાસ દીઠ ₹4,00,000/- ની સહાય 4 હપ્તામાં મળવાપાત્ર રહેશેમોરબી: મોરબી મહાપાલિકા દ્વારા પ્રધાનમંત્રી આવાસ યોજના 2.0 (શહેરી) અંતર્ગત બેનિફિશિયરી લેડ કન્સ્ટ્રક્શન (BLC) ઘટક માટે5 ઓનલાઈન ડિમાન્ડ સર્વેમાં નોંધણી કરાવવા ખાસ કેમ્પનું આયોજન કરવામાં આવ્યું છે. જે નાગરિકો પોતાનું પાકું મકાન બનાવવા ઈચ્છે છે, તેમને આ યોજનાનો લાભ લેવા અપીલ કરવામાં આવી છે.આ યોજના હેઠળ, નેશનલ બિલ્ડીંગ કોડના નિયમો મુજબ 30 થી 45 ચોરસ મીટર કાર્પેટ વિસ્તાર સુધીના પાકા નવા આવાસનું બાંધકામ કરી શકાશે. જેમાં ઓછામાં ઓછા બે રૂમ, રસોડું, શૌચાલય અને બાથરૂમની સુવિધા હોવી ફરજિયાત છે. આ માટે પ્રતિ આવાસ દીઠ કુલ ₹4,00,000/- ની સહાય 4 હપ્તામાં મળવાપાત્ર રહેશે, જેમાં કેન્દ્ર સરકાર તરફથી ₹1,50,000/- અને રાજ્ય સરકાર તરફથી ₹2,50,000/- નો સમાવેશ થાય છે.મોરબી મહાપાલિકા હદ વિસ્તારના નાગરિકો આ યોજનાનો લાભ લઈ શકશે. જેમાં એવા લોકોનો સમાવેશ થાય છે જેઓ પોતાની માલિકીનો કાચો, અર્ધ-કાચો, જર્જરિત મકાન અથવા ખુલ્લો પ્લોટ ધરાવે છે. જેમની કૌટુંબિક વાર્ષિક આવક ₹3,00,000/- સુધીની છે. જેમણે અગાઉ ભારતભરમાં આવાસ યોજનાના કોઈપણ ઘટકમાં લાભ લીધેલ નથી.લાભાર્થીઓ ઓનલાઈન ડિમાન્ડ સર્વેમાં નોંધણી કરાવવા માટે કેમ્પનું આયોજન કરાયું છે. જેમાં એક કેમ્પ 3 ઓગસ્ટ 2025 ને રવિવારના રોજ સવારે 10:30 થી સાંજે 05:30 સુધી મોરબી મહાપાલિકા, વેસ્ટ ઝોન ઓફિસ, રેનબસેરા, મોરબી ખાતે રાખવામાં આવેલ છે. તેમજ અન્ય કેમ્પ 4 ઓગસ્ટ 2025 ને સોમવારના રોજ સવારે 10:30 થી સાંજે 05:30 સુધી મોરબી મહાપાલિકાની ક્લસ્ટર-10 કચેરી, કેપિટલ માર્કેટ સામે, રવાપર ચોકડી, મોરબી ખાતે યોજાશે. પાત્રતા ધરાવતા તમામ નાગરિકોને આ સુવર્ણ તકનો લાભ લેવા અને નિર્ધારિત તારીખ અને સમયે કેમ્પમાં ઉપસ્થિત રહી નોંધણી કરાવવા માટે મોરબી મહાપાલિકા દ્વારા જણાવાયું છે.
.jpg)
