એલસીબી પોલીસના દરોડામાં એક આરોપી ઝડપાયો, એક ફરારમોરબી : મોરબી એલસીબી ટીમે માળીયા મિયાણા તાલુકાના નાની બરાર ગામે રહેણાંક મકાનમાં દરોડો પાડી વિદેશો દારૂની અલગ અલગ બ્રાન્ડની નાની મોટી 72 બોટલ કિંમત રૂપિયા 60 હજારનો જથ્થા સાથે એક શખ્સને ઝડપી લઇ વિદેશી દારૂ સપ્લાયરનું નામ ખોલાવ્યું હતું.પ્રાપ્ત વિગતો મુજબ માળીયા મિયાણા તાલુકાના નાની બરાર ગામે આરોપી સુરેશ ઉર્ફે વિજય ધરમશીભાઈ ધોળકિયા પોતાના રહેણાંક મકાનમાં વિદેશી દારૂ છુપાવી વેચાણ કરી રહ્યો હોવાની બાતમીને આધારે મોરબી એલસીબી ટીમે દરોડો પડતા આરોપીના રહેણાંકમાંથી વિદેશી દારૂની અલગ અલગ બ્રાન્ડની નાની મોટી 72 બોટલ કિંમત રૂપિયા 60 હજારનો જથ્થો મળી આવ્યો હતો. આરોપીની પૂછપરછમાં વિદેશી દારૂના ધંધામાં આરોપી ધવલ રાયધનભાઇ કોઠીવાલાની સંડોવણી કબુલતા પોલીસે ધવલને ફરાર દર્શાવી બન્ને આરોપીઓ વિરુદ્ધ માળીયા મિયાણા પોલીસ મથકમાં ગુન્હો રજીસ્ટર કરાવ્યો હતો.
.jpg)
