એ ડિવિઝન પોલીસે વાવડી રોડ ઉપર મીરા પાર્કમાં દરોડો પાડયો મોરબી : મોરબીના વાવડી રોડ ઉપર મીરાપાર્કમાં નશાકારક પોશડોડાનું છાને ખૂણે વેચાણ થઇ રહ્યું હોવાની બાતમીને આધારે મોરબી સીટી એ ડિવિઝન પોલીસે રહેણાંક મકાનમાં દરોડો પાડી પોશડોડાના જથ્થા સાથે એક આધેડની ધરપકડ કરી એનડીપીએસ એક્ટ મુજબ કાર્યવાહી કરી હતી.પ્રાપ્ત વિગતો મુજબ મોરબી શહેર-જિલ્લામાં નશીલા પદાર્થ સામે પોલીસની કડક ઝુંબેશ વચ્ચે શહેરના વાવડી રોડ ઉપર આવેલ મીરાપાર્ક સોસાયટીમાં રહેતા આધેડ પોશડોડાનું વેચાણ કરતા હોવાની બાતમી મળતા સીટી એ ડિવિઝન પોલીસે આરોપી જેન્તીભાઇ ઉર્ફે જનકભાઈ માવજીભાઈ બોપલીયાના રહેણાંકમાં દરોડો પાડતા ઘરમાંથી માદક પદાર્થ પોશડોડાનો 4 કિલોગ્રામ અને 80 ગ્રામ વજનનો જથ્થો મળી આવતા પોલીસે એક વજન કાટો, પ્લાસ્ટિકના ઝભલા સહિત કુલ રૂપિયા 24,240નો મુદામાલ કબ્જે કરી આરોપીની ધરપકડ કરી એનડીપીએસ એક્ટ મુજબ કાર્યવાહી કરી હતી.
.jpg)
