જૂન માસ અંતર્ગત હાઉસ-ટુ-હાઉસ સઘન સર્વેલન્સ કરી વાહકજન્ય રોગ અટકાયતી કામગીરી કરાઈમોરબી : મુખ્ય જિલ્લા આરોગ્ય અધિકારી ડો. પી.કે. શ્રીવાસ્તવ, જિલ્લા મેલેરીયા અધિકારી ડો.વિપુલ કારોલીયાની સુચના તેમજ પ્રાથમિક આરોગ્ય કેન્દ્ર બગથળાના ડો.હિરેન વાસદડીયાના માર્ગદર્શન હેઠળ પ્રાથમિક આરોગ્ય કેન્દ્ર બગથળા હેઠળના ગામોમાં જૂન માસ અંતર્ગત હાઉસ-ટુ-હાઉસ સઘન સર્વેલન્સ તેમજ વાહકજન્ય રોગ અટકાયતી કામગીરી કરવામા આવી હતી.આ દરમ્યાન ઘરોમાં તેમજ જે-તે સ્થળો પર ભરાયેલ પાણી દુર કરવા તથા લોકોને વાહકજન્ય રોગ નિયંત્રણ અંતર્ગત આરોગ્ય શિક્ષણ આપવામા આવ્યું હતું. વાહકજન્ય રોગોના અટકાયત માટે વહેલુ નિદાન, સારવાર તેમજ વાહક નિયંત્રણની ઘનિષ્ઠ કામગીરી સુનિશ્ચિત કરવા માટે હાઉસ-ટુ-હાઉસ સઘન સર્વેલન્સ કરવામાં આવી હતી. તેમજ વાહક નિયંત્રણની કામગીરીમાં સ્કૂલ ખાતે આરોગ્ય શિક્ષણ પત્રિકા વિતરણ કરવામાં આવી હતી. ક્ષેત્રીય કક્ષાના તમામ આરોગ્ય કાર્યકરો દ્વારા સર્વેલન્સ વાહક નિયંત્રણ અને આરોગ્ય શિક્ષણની પ્રવૃત્તિ જૂન માસ મેલેરીયા વિરોધી માસ દરમ્યાન ઝુંબેશ સ્વરૂપે હાથ ધરાઈ છે.તેમજ ફિલ્ડ આરોગ્ય કાર્યકર દ્વારા હાઉસ-ટુ-હાઉસ સઘન સર્વેલન્સ દરમ્યાન મેલેરીયા, ડેન્ગ્યુ અને ચિકનગુનિયા કેશ ડેફિનેશન મુજબ કેસોની શોધખોળ કરી લોહીના નમુના લેવા તેમજ વાહક નિયંત્રણમાં મચ્છર ઉત્પતીના બધા સંભવિત સ્થળોની તપાસ કરી પોરાનાશક કામગીરી, નકામા પાણીના પાત્રો ખાલી કરાવ્યા હતા. તથા પક્ષી કુંડ નિયમિત રીતે સાફ કરવા, ઘરોની અંદર તેમજ બહાર જે સ્થળોમાં પાણી ભરાયેલ છે તેની ચકાસણી કરી બિનઉપયોગી પાત્રોમાં ભરાયેલ પાણી દુર કરી અને ઉપયોગી પાણીના પાત્રમાં ટેમિફોસ જૈવિક નિયંત્રણ કામગીરી કરવામા આવી હતી. વાહકજન્ય રોગ નિયંત્રણ અંતર્ગત લોકોને આરોગ્ય શિક્ષણ આપવામાં આવ્યું હતું.તેમજ તમાકુના ઉપયોગથી શરીરને થતા નુક્શાન તેમજ કેન્સર જેવી બિમારી અંગે પત્રિકા વિતરણ કરી માર્ગદર્શન આપવામા આવેલ તથા પોસ્ટરોનું પ્રદર્શન કરવામાં આવેલ અને ચિત્ર સ્પર્ધાનું આયોજન કરી જનજાગૃતિ કરવામાં આવી હતી.
.jpg)
