એસએમસીના બેન્ક એકાઉન્ટ ખોલાવવાની પ્રક્રિયા જટિલ હોવા છતાં વારંવાર બેન્ક બદલવાના પરિપત્રથી સમયનો ખોટો વેડફાટ થઈ રહ્યો હોવાની રાવમોરબી : ગુજરાત રાજ્યની તમામ પ્રાથમિક શાળાઓમાં થતા ખર્ચ તેમજ અન્ય સહ અભ્યાસિક પ્રવૃતીઓ તેમજ શાળામાં કરવામાં આવતી બાંધકામની પ્રવૃત્તિઓ માટે સમગ્ર શિક્ષા અભિયાન દ્વારા જે અનુદાન ફાળવવામાં આવે છે એ શાળા માટે એસ.એમ.સી.ના એકાઉન્ટ તેમજ સી.આર.સી. અને બી.આર.સી.ના બેંક એકાઉન્ટ દ્વારા નાણાંકીય વ્યવહાર કરવામાં આવે છે.આ બેંક એકાઉન્ટ વારંવાર બદલવાના હુકમથી આચાર્યોમાં આક્રોશ જોવા મળી રહ્યો છે. શાળા આચાર્યો પાસેથી મળતી વિગત અનુસાર આ બધા બેંક એકાઉન્ટ સૌથી પહેલા બેંક ઓફ બરોડામાં હતા. ત્યારબાદ એસ.બી.આઈ. બેંકમાં ખોલવાનો રાજ્યકક્ષાએથી પરિપત્ર થયો વળી સમગ્ર શિક્ષા અભિયાનના કોઈ અધિકારીને સપનું આવ્યું અને એકાઉન્ટ એસબીઆઈ બેંકમાંથી તત્કાલિક બંધ કરી ICICI બેંકમાં ખોલવામાં આવ્યા હતા. બે વર્ષ સુધી ICIC બેંકમાં નાણાંકીય વ્યવહારો કરવામાં આવ્યા વળી પાછું અન્ય કોઈ અધિકારીને સપનું આવ્યું અને આ બેંક એકાઉન્ટ બેંક ઓફ બરોડામાં ખોલવા માટેનો પત્ર થયો હતો. અધિકારીઓ તો માત્ર પત્ર કરીને છૂટી જાય છે પણ બેંક એકાઉન્ટ ખોલવા માંટે મહામુસીબત થાય છે. સભ્ય સચિવ અને એસ.એમ.સી.ના મહિલા સભ્યની ડિજિટલ સાઈન લેવા માટે મહિલા સભ્યનું અને સભ્ય સચિવનું વીડિયો રેકોર્ડિંગ કરવું વગેરેમાં ખુબજ મુશ્કેલીઓ પડે છે. મહિલા સભ્ય ધંધા,મજૂરી કરતા હોય એમને બેંક સુધી લાવવા લઈ જવામાં આચાર્યને ખુબજ મુશ્કેલીની સામનો કરવો પડે છે અને ડીઝીટલ સહી વાળી પેન ડ્રાઈવ લેવામાં ખર્ચ પણ ખુબજ થાય છે. વળી, પાછા ઉપરોક્ત પરિપત્ર મુજબ બેંક એકાઉન્ટ ICCI માંથી બેંક ઓફ બરોડા BOB માં ખોલાવવામાં ફરી પાછા આવા જ પ્રયત્નો કરવા પડશે. આવી રીતે વારંવાર બેંક એકાઉન્ટ બદલવાથી અનેક વહીવટી મુશ્કેલીઓ પડે છે, એકાઉન્ટ ખોલવા માટે બેંકોમાં વારંવાર ધક્કા ખાવાથી વિદ્યાર્થીઓને ભણાવવાનો સમય રહેતો નથી. આવા અનેક કારણોસર બેંક ઓફ બરોડામાં બેંક એકાઉન્ટ ખોલવાનો પરિપત્ર થયો હોય એ બાબતે આચાર્યોમાં ખુબજ રોષ અને આક્રોશ વ્યાપી રહ્યો છે.
.jpg)
