ટંકારા : મોરબી જિલ્લા પંચાયત દ્વારા ટંકારા તાલુકાની વિરપર ગ્રામ પંચાયતને સ્માર્ટ વિલેજ તરીકે જાહેર કરવામાં આવી છે. આ સાથે વિરપર ગામને 5 લાખ રૂપિયાની ગ્રાન્ટ પણ ફાળવવામાં આવી છે.વિરપર ગ્રામ પંચાયતે સ્માર્ટ વિલેજ માટે જરૂરી તમામ માપદંડ જેવા કે વ્યક્તિગત તથા સામૂહિક વિકાસના કાર્યક્રમો દ્વારા ગ્રામ પંચાયત અને સરપંચ દ્વારા પોતાની ફરજો અને જવબદારીઓ અદા કરી શહેરની માફક ગામનો વિકાસ થાય અને ગ્રામ્ય નાગરિકોને શહેરમાં હોય તેવી સુવિધા ઉપલબ્ધ કરાવી જેવી કે કચરાનો નિકાલ, સીસીટીવી, બાગ બગીચા, લાયબ્રેરી, આરો પ્લાન્ટ, રોડ રસ્તા, સ્ટ્રીટ લાઈટ, પાણી વિગેરે સાથે ગ્રામ પંચાયતમાં ટેક્નોલોજીનો ઉપયોગ કરીને તમામ પ્રકારની ઓનલાઇન અરજી, રેશનકાર્ડમાં સુધારા વધારા તથા આયુષ્માન કાર્ડ જેવી સુવિધા ઉપલબ્ધ કરાવી છે. આ બધા ધારાધોરણોને ધ્યાને લઈ માર્ક્સ આપીને ટંકારા તાલુકાની એક માત્ર ગ્રામ પંચાયત સ્માર્ટ વિલેજમાં પસંદગી પામી છે.
.jpg)
