મોરબી : માધવ ચેરીટેબલ ટ્રસ્ટ કપડવંજ, બ્રહ્મ સમાજ સેવા ટ્રસ્ટ મહેસાણા, વેદ ઇન્ટરનેશનલ સ્કૂલ સરગાસણ તથા અનંતા એજ્યુકેશન ગાંધીનગરના સંયુક્ત ઉપક્રમે ટાઉનહોલ ગાંધીનગર ખાતે પર્યાવરણ સંરક્ષક એવોર્ડનું ભવ્ય આયોજન કરવામાં આવ્યું હતું. જેમાં મોરબી તાલુકામાંથી અણીયારી પ્રાથમિક શાળાના કમલેશકુમાર વાઘેલા અને માધવીબેન સુરેશભાઈ કાપડિયાને GCERT સચિવ એસ. જે. ડુમરાળિયા તથા માધ્યમિક અને ઉચ્ચતર માધ્યમિક શિક્ષણ બોર્ડ મદદનીશ સચિવના હસ્તે શિલ્ડ અને પ્રમાણપત્ર આપી સન્માનિત કરાયા હતા. મહત્વનું છે કે, પર્યાવરણીય સ્થાનિક સમસ્યાને અગ્રતા આપી પ્રકૃતિના સંરક્ષણ અને સંવર્ધન માટેનાં પરિણામલક્ષી પગલાં ભરવા સંકલ્પબદ્ધ થઈને ટૂંકા સમયમાં ખૂબ મહત્વપૂર્ણ યોગદાન આપનાર ગુજરાતમાંથી 2525 જેટલાં પર્યાવરણ સંરક્ષકોના સન્માન માટે આ કાર્યક્રમનું આયોજન કરવામાં આવ્યું હતું.
.jpg)
