મોરબી આઈ.ટી.આઈ. ખાતે 24 એપ્રિલથી પ્રવેશ પ્રક્રિયા શરૂ થશે વધુ માહિતી માટે સંસ્થાની વેબ સાઇટ itimorbi.gujarat.gov.in/ ની મુલાકાત લેવી મોરબી : ગુજરાત રાજ્ય, શ્રમ કૌશલ્ય વિકાસ અને રોજગાર વિભાગ, નિયામક રોજગાર અને તાલીમ હેઠળની મોરબી જિલ્લાની સરકારી આઈ.ટી.આઈ મોરબી, માળીયા-મિયાણા, હળવદ, ટંકારા તથા વાંકાનેરની યાદી જણાવે છે કે, આઈ.ટી.આઈ મોરબી, માળીયા-મિયાણા, હળવદ, ટંકારા, તથા વાંકાનેર ખાતે ચાલતા વિવિધ પ્રકારના NCVT / GCVT પેટર્નના કોર્ષ/વ્યવસાયોમાં પ્રવેશ વર્ષ- 2025 માટેની પ્રથમ તબક્કાની પ્રવેશ પ્રક્રીયા માટે ઓનલાઇન પ્રવેશ ફોર્મ ભરવા ની પ્રક્રિયા તા. 24-4-2025ના રોજ શરૂ થશે.ઉમેદવાર ઈન્ટરનેટના માધ્યમથી itiadmission.gujarat.gov.in વેબ સાઈટ પરથી ઓનલાઈન પ્રવેશફોર્મ ભરી શકશે તેમજ રૂ.50 રજીસ્ટ્રેશન ફી 1. Internet Banking. 2.Credit Card 3.UPI ID - UPI QR Code. 4 .NEFT. વગેરે માધ્યમ દ્વારા ભરી શકશે. અથવા તો ઉક્ત સંસ્થાઓ પૈકી નજીકની કોઇ પણ સરકારી આઈ.ટી.આઈ ખાતે ઓનલાઈન પ્રવેશ ફોર્મ ભરી આપવામાં આવશે. જિલ્લાની દરેક આઈ.ટી.આઈ ખાતે સવારે 10 થી 5 કલાક દરમ્યાન ઓનલાઈન પ્રવેશફોર્મ ભરવાની કામગીરી માટે તેમજ આઈ.ટી.આઈ વિશે માર્ગદર્શન આપવા માટે માર્ગદર્શન સેન્ટર કાર્યરત રહેશે. ઓનલાઈન પ્રવેશ ફોર્મ ભરવા માટેની છેલ્લી તા. 30-6-2025 છે. વધુ માહિતી માટે સંસ્થાની વેબ સાઇટ https://itimorbi.gujarat.gov.in/ ની મુલાકાત લેવા જણાવવામાં આવ્યું છે. ઉમેદવારે ઓનલાઇન પ્રવેશ ફોર્મ માટે (1) ધો - 8 /9 /10ની માર્કશીટ (2) શાળા છોડયાનું પ્રમાણપત્ર (3) આધારકાર્ડની ઝેરોક્ષ (4)જાતિ/કેટેગરી પ્રમાણપત્ર (ST/SC/SEBC/EWS ) (5) દિવ્યાંગ ઉમેદવારો માટે દિવ્યાંગનુ પ્રમાણપત્ર (6) રાજ્ય બહારના ઉમેદવારો માટે ડોમીસાઈલ સર્ટીફિકેટ (7) પાસપોર્ટ સાઈઝનો ફોટો વગેરે જરૂરી શૈક્ષણિક લાયકાતના પ્રમાણપત્રોની સ્વપ્રમાણીત ઝેરોક્ષ નકલો સાથે લાવવાના રહેશે. વધુ માહિતી માટે સંસ્થાનો રૂબરૂ સંપર્ક કરવા યાદીમાં જણાવવામાં આવ્યું છે.
.jpg)
