હળવદ : હળવદના રૂક્ષ્મણી પાર્ક સોસાયટીના પ્લોટ નંબર 12માં અનઅધિકૃત રીતે મોબાઈલ ટાવર ઉભો કરાતો હોય આ કામગીરી અટકાવવા માટે રહીશોએ નગરપાલિકાના ચીફ ઓફિસરને લેખિત રજૂઆત કરી છે.રૂક્ષ્મણી પાર્ક સોસાયટીના રહીશોએ રજૂઆતમાં જણાવ્યું છે કે, તેમના વિસ્તારના સર્વે નંબર- 2000/1ના લે-આઉટ પ્લાન મુજબ ફક્ત રહેણાકના ઉપયોગ માટે જ બીનખેતી થઈ છે. ત્યારે હાલ સોસાયટીના પ્લોટ નંબર 12માં સપ્ટેમ્બર 2024થી એપ્રિલ 2025ના સમયગાળા દરમિયાન આ પ્લોટના હક્ક ધરાવતા માલિકો દ્વારા 100 ટકા બાંધકામ કરાયું છે અને બે માળ ઉભા કરાયા છે. બીજા માળ પર હાલ અનઅધિકૃત રીતે મોબાઈલ ટાવરનું કામ ચાલુ છે. રહેણાકના હેતુ માટેની આ સોસાયટીમાં આ રીતે થતું ગેરકાયદે બાંધકામ જણાતું હોય અને ઈમ્પેક્ટ ફીના નિયમ મુજબનું જુનું બાંધકામ ન હોય હાલ પણ આ કામ ચાલુ છે. આમ રહેણાક વિસ્તારમાં મોબાઈલ ટાવર ઉભો કરવો તેમજ આ ટાવરના કારણે સોસાયટીના રહીશોને પડતી મુશ્કેલી તથા લોકોને રેડિએશનની અસરના કારણે તેમજ આવી રીતે રેસિડેન્સીયલ સોસાયટીમાં હેતુફેર વિના કરવામાં આવતા બાંધકામ તેમજ ટાવરનું કામ અટકાવવા માટે રજૂઆત કરવામાં આવી છે.
.jpg)
