લેન્કો એલમની એસોસિએશન દ્વારા કરાયું આયોજનઆવતા વર્ષે કોલેજના 75 વર્ષ પૂર્ણ થવાના અવસરે ત્રણ દિવસીય ડાયમંડ જ્યુબિલી કાર્યક્રમ યોજાશેમોરબી : લખધીરજી એન્જિનિયરિંગ કોલેજ મોરબીના ભુતપૂર્વ વિદ્યાર્થીઓનું સંગઠન લેન્કો એલ્યુમિનિ એસોસિએશન દ્વારા દર વર્ષની માફક આ વર્ષે પણ લખધીરજી એન્જિનિયરિંગ કોલેજ, મોરબી ખાતેથી તાજેતરમાં અભ્યાસ પુર્ણ કર્યો છે તેવા તેજસ્વી વિદ્યાર્થીઓ કે જેમણે પોતાના વિષયમાં કે બ્રાન્ચમાં ટોપ કર્યું છે તેમને ગોલ્ડ મેડલથી સન્માનિત કરવા તારીખ ૦૫ માર્ચ ને બુધવારના રોજ 14 મા ગોલ્ડ મેડલ એવોર્ડ ફંકશનનું આયોજન કરવામાં આવ્યું હતું. કોલેજમાં ચાલતી એન્જિનિયરિંગની વિવિધ શાખાઓમાં ટોપ કરતા વિદ્યાર્થીઓને ગોલ્ડ મેડલ એવોર્ડથી સન્માનિત કરવામાં આવ્યાં હતાં. કુલ 13 ગોલ્ડ મેડલ એનાયત કરવામાં આવ્યા હતા. સાથે કોલેજમાં અભ્યાસ કરી ગયેલા ભુતપૂર્વ વિદ્યાર્થીઓના સ્નેહ મિલન સમારોહનું પણ આયોજન કરવામાં આવ્યું હતું. કાર્યક્રમની શરૂઆતમાં લખધીરજી એન્જિનિયરિંગ કોલેજમાં તાજેતરમાં અભ્યાસ કરતા વિદ્યાર્થીઓ દ્વારા સાંસ્કૃતિક કાર્યક્રમનું આયોજન કરવામાં આવ્યું હતુ. ત્યારબાદ કાર્યક્રમની શરૂઆત કરતા લેન્કો એલમની એસોસિએશનના સેક્રેટરી જયદેવ શાહે સ્વાગત પ્રવચન કર્યું હતું. સંસ્થાના પ્રમુખ અમૃત મેનપરાએ સંસ્થા દ્વારા કોલેજ અને કોલેજમાં અભ્યાસ કરતા વિદ્યાર્થીઓ માટે જે વિવિધ શિક્ષણલક્ષી પ્રવૃત્તિઓ કરવામાં આવે છે તેની વિગતવાર માહિતી આપી હતી. ઉપરાંત જણાવ્યું હતું કે, આવતા વર્ષે લખધીરજી એન્જિનિયરિંગ કોલેજ મોરબીને 75 વર્ષ પુર્ણ થવા જઈ રહ્યા છે ત્યારે ડાયમંડ જયુબિલીની ઉજવણીના ભાગ રૂપે આવતા વર્ષે ત્રણ દિવસના સુંદર કાર્યક્રમનું આયોજન કરવામાં આવશે. એલઈ કોલેજ મોરબીના પ્રિન્સીપાલ ડો. આર. કે. મેવાડાએ પ્રાસંગિક પ્રવચનમાં લેન્કો એલમની એસોસિએશનની કોલેજ અને કોલેજના વિદ્યાર્થીઓ માટેની સેવાકીય પ્રવૃતિઓની પ્રશંસા કરી હતી. આ કાર્યક્રમના મુખ્ય મહેમાન તરીકે પી. એસ. પી. પ્રોજેક્ટસ પ્રા લિ.ના પ્રહલાદભાઈ પટેલ ઉપસ્થિત રહ્યા હતા. જેઓ પણ આ કોલેજના ભુતપૂર્વ વિદ્યાર્થી છે. ઉપરાંત લેન્કો એલમની એસોસિએશનના ફાઉન્ડર પ્રેસિડેન્ટ અને હર્ષા એન્જિનિયર્સના મેનેજીંગ ડીરેકટર હરીશભાઈ રંગવાલા તથા એલઈ કોલેજ મોરબીના પ્રિન્સીપાલ ડો. આર. કે. મેવાડા કાર્યક્રમના અતિથિ વિશેષ તરીકે ઉપસ્થિત રહી પ્રસંગની શોભા વધારી હતી. ભુતપૂર્વ વિદ્યાર્થીઓએ સાથે મળીને ભુતકાળના સંસ્મરણો વાગોળ્યા હતા. કાર્યક્રમના અંતે અભાર વિધિ સેક્રેટરી એન. આર. હુંબલ દ્વારા કરવામાં આવી હતી. સમારોહની પુર્ણાહૂતી બાદ એસ. સી. રાવલ અને સુરેશ શુકલ દ્વારા કરાઓકે ગીત-સંગીતનો કાર્યક્રમ રાખવામાં આવ્યો હતો. જે કોલેજના ભુતપૂર્વ વિદ્યાર્થીઓએ ખુબજ ઉત્સાહ અને ઉમંગથી માણ્યો હતો. સમગ્ર કાર્યક્રમનું સંચાલન અને સંકલન પ્રો. જાગૃતિ ભેડાએ કર્યું હતું. આ કાર્યક્રમને સફળ બનાવવા માટે લેન્કો એલમની એસોસિયેશનના પ્રેસિડેન્ટ અમૃત મેનપરા, તથા વાઈસ પ્રેસિડેન્ટ હસમુખ ઉભડીયા, પરેશ પટેલ, સવજીભાઈ સીતાપરા, જનકભાઈ પટેલ, અમરીશ પટેલ, એમ. એચ. આયલાણી, કે. કે. દવે સહિતના સભ્યોએ ભારે જહેમત ઉઠાવી હતી.
.jpg)
