108ને મકરસંક્રાંતિએ 73 કોલ્સ આવ્યા, તહેવાર ઉપર કોલ્સમાં 25 ટકાનો વધારો નોંધાયોમોરબી : મોરબી જિલ્લામાં પતંગની દોરી ગળામાં આવવાથી 4 લોકોને ઇજા પહોંચી હોવાનું સામે આવ્યું છે. આ ઉપરાંત તહેવાર ઉપર 108ને આવતા કોલ્સમાં પણ વધારો નોંધાયો હોવાનું જાણવા મળ્યું છે. મોરબી જિલ્લામાં 108 એમ્બ્યુલન્સને ગઈકાલે મકરસંક્રાંતિના દિવસે 73 કોલ્સ આવ્યા હતા. જેમા 2 લોકોને ગળામાં પતંગની દોરી આવી જતા ઇજા પહોંચી હોય તેના કોલ્સ આવ્યા હતા. આ ઉપરાંત 7 કોલ્સ એક્સીડેન્ટના હતા. જ્યારે 6 કોલ્સ પડી જવાના આવ્યા હતા. 108ને દરરોજ સરેરાશ 60 જેટલા કોલ્સ આવે છે. એમાં ગઈકાલે તહેવારના દિવસે 25 ટકાનો વધારો નોંધાયો હતો. પતંગની દોરીથી ગળામાં ઇજા થવાના 2 કોલ્સ 108ને આવ્યા હતા. આ ઉપરાંત અન્ય 2 કેસ પણ નોંધાયા હોવાનું જાણવા મળ્યું છે. આમ પતંગની દોરીથી કુલ 4 લોકો ઘાયલ થયા હોવાનું જાણવા મળી રહ્યું છે.
.jpg)
