તમામ પુણ્ય માત્ર ગાયને ઘાસ નાખવા અને ગાયની સેવા કરવાથી પ્રાપ્ત થાય છેમોરબી : ઉતરાયણ ભારતીય સંસ્કૃતિમાં એક પવિત્ર ઉત્સવ છે. ઉતરાયણના પાવન અવસરે દાનનું વિશેષ મહત્વ છે, અને ગૌમાતા માટે કરેલું દાન તો શ્રેષ્ઠ ગણાય છે. ગૌમાતા માતૃત્વ અને પવિત્રતાનું પ્રતિક છે. ગાયના શાસ્ત્રોક્ત મહત્વને ધ્યાનમાં લઈને ગૌમાતા માટે દાન કરવું સુખ અને સમૃદ્ધિ લાવવાનો શ્રેષ્ઠ માર્ગ છે. ઉતરાયણમાં ગૌમાતા માટે દાન કરવું સંસ્કૃતિ અને આધ્યાત્મિકતાનું મિશ્રણ છે. આ પવિત્ર કાર્ય વ્યક્તિના જીવનમાં સદગતિ લાવે છે અને સમાજમાં શાંતિ તથા સમૃદ્ધિ ફેલાવે છે.______________________________ગૌમાતાનું ધાર્મિક અને સામાજિક મહત્વવેદોમાં ગૌમાતાનું સ્થાન ૩૩ કરોડ દેવતાઓના નિવાસ સ્થાન તરીકે દર્શાવાયું છે. ગૌમાતાનું દૂધ અને ગૌમૂત્ર પવિત્ર માનવામાં આવે છે અને ધાર્મિક તેમજ ચિકિત્સાત્મક મહત્વ ધરાવે છે. ગાય કૃષિ માટે એક મહત્વપૂર્ણ સંસાધન છે. ગાયના મૂત્રમાંથી બનતું ખાતર અને ગૌમૂત્ર, પર્યાવરણના સંરક્ષણમાં મદદરૂપ થાય છે. ગૌમાતા માટે કરેલું દાન ઉત્તમ ફળદાયી નીવડે છે.ગાયમાં તેસીસ કરોડ દેવતાઓનો વાસ છે.ગાયની પૂજા કરવાથી તમામ દેવી-દેવતાઓની પૂજા કર્યાનું ફળ પ્રાપ્ત થાય છે. કહેવાય છે કે ઋષિ-મુનિઓ ઉપર પ્રસન્ન થઈ, પરમાત્માએ વરદાન માંગવાનું કહ્યુ ત્યારે મુનિ-મહર્ષિઓએ સ્વર્ગમાં રહેતી કામધેનું ગાયને પૃથ્વી પર મોકલવાનું વરદાન માંગ્યું અને વરદાન સ્વરૂપ ગાયનું અવની પર અવતરણ થયું. આમ, ગાયએ ભગવાન તરફથી મનુષ્યને મળેલું મોઘેંરુ વરદાન છે.______________________________ઉતરાયણમાં ગૌમાતા માટે દાન કરવાનું મહત્વશાસ્ત્રો મુજબ, ઉતરાયણ સૂર્યના ઉત્તર દિશા તરફ ગમનનો પ્રારંભ છે, જે પવિત્ર કાર્યો માટે શ્રેષ્ઠ સમય ગણાય છે. આ સમયે ગૌમાતા માટે દાન કરવાથી પુણ્ય ફળ પ્રાપ્ત થાય છે. આ દાન માનવીની આધ્યાત્મિક ઉન્નતિ કરે છે. ગાયનું દાન શ્રેષ્ઠ પુણ્યફળ આપે છે. ગૌદાનનું ફળ હંમેશા અનેકગણું વૃદ્ધિ પામે છે. ગૌમાતા માટે ઘાસ, તુવેર, ચોખા કે ઘઉંનું દાન કરવું તેના આરોગ્ય માટે ફાયદાકારક છે. ગૌશાળાઓ માટે નાણાંકીય સહાય કે તેમને જરૂરી વસ્તુઓ પૂરી પાડવી ગૌમાતા માટે ઉપયોગી બને છે.ગાયોને ઘાસ ખવડાવવા અંગે શાસ્ત્રોમાં એવું કહેવામાં આવ્યું છે કે તિર્થ સ્થાનોમાં જવાથી, બ્રાહ્મણોને ભોજન કરાવવાથી, અનેક વ્રત, તપ, ઉપવાસ કરવાથી, પૃથ્વીની પરિક્રમા કરાવાથી, હરિનું પૂજન કરવાથી, પુણ્યપ્રાપ્તિના જે પણ કંઈ વિધાન વર્ણવવામાં આવ્યા છે તે તમામ પુણ્ય માત્ર ગાયને ઘાસ નાખવાથી અને ગાયની સેવા કરવાથી પ્રાપ્ત થાય છે. એવું કહેવામાં આવે છે કે, જે વ્યકિત પોતાના પિતૃઓનું શ્રાદ્ધ કાર્ય કરવા સક્ષમ ન હોય તો તે ફકત ગાયને શ્રદ્ધાપૂર્વક ઘાસ ખવડાવે તો એને સંપૂર્ણ શ્રાદ્ધ કાર્યનું પૂણ્ય પ્રાપ્ત થાય છે.______________________________
.jpg)
