મહિનાની એકી તારીખે રોડની ડાબી બાજુએ તથા મહિનાની બેકી તારીખે રોડની જમણી બાજુએ વાહન પાર્ક કરવાના રહેશેમોરબી : મોરબી શહેરમાં સ્થિત સુધારાવાળી શેરી, સરદાર રોડમાં ફાયર એન્ડ ઇમરજન્સી સર્વિસીસ વિભાગ (મોરબી નગરપાલિકા) ઉપરાંત 2 બેંક, સમાજવાડી, સ્કુલ અને જથ્થાબંધ સામાન વિક્રેતાઓની દુકાનો આવેલી છે. આ વિસ્તારમાં નાના મોટા વાહનોનું રોડની બંને બાજુમાં અવ્યવસ્થિત પાર્કિંગ કરવામાં આવતું હોવાથી આગ, અકસ્માત અને રેસ્ક્યુ કોલ સમયે ફાયર બ્રિગેડના વાહનોને આવવા જવામાં અવરોધ થાય છે અને ઘટનાસ્થળે પહોંચવામાં વિલંબ થતો હોવાથી સુધારાશેરીમાં વન સાઈટ પાર્કિંગની સુવિધા કરવા બાબતનું જાહેરનામું જિલ્લા મેજીસ્ટ્રેટ કે.બી.ઝવેરી, મોરબી દ્વારા પ્રસિદ્ધ કરવામાં આવ્યું છે.જે અનુસાર, મોરબીમાં સુધારા શેરી- સરદાર રોડ ઉપર નાના મોટા વાહનોનું પાર્કિંગ મહિનાની એકી તારીખ દરમ્યાન રોડની ડાબી બાજુએ તથા મહિનાની બેકી તારીખ દરમ્યાન રોડની જમણી બાજુએ કરવાનું રહેશે. આ પ્રતિબંધાત્મક હુકમ આગામી તા. 20-2-2025 સુધી અમલમાં રહેશે. આ જાહેરનામાનો ભંગ કરનારી વ્યક્તિને ગુજરાત પોલીસ અધિનિયમ- 1951 ની કલમ- 131 હેઠળ શિક્ષાને પાત્ર બનશે.
.jpg)
