- text
મોરબી : માળીયા મિયાણા – કચ્છ હાઇવે ઉપર પેટ્રોલ ભરાવી ઘરે પરત જઈ રહેલા બે બાઈક સવાર યુવાનોને ફોર્ચ્યુનર કારના ચાલકે હડફેટે લઈ અકસ્માત સર્જતાં બન્ને યુવાનોને ગંભીર ઇજાઓ સાથે સારવારમાં ખસેડવામાં આવ્યા છે.
બનાવ અંગે જાણવા મળતી વિગતો મુજબ જોડિયાના મોટા વાસ બંદર રોડ ઉપર રહેતા જુસબભાઈ હારુનભાઈ કકકલ ઉ.52 નામના આધેડે માળીયા મિયાણા પોલીસ મથકમાં ફરિયાદ નોંધાવતા જાહેર કર્યું હતું કે, તેમનો પુત્ર ઝુબેર અને ભત્રીજો હનીફ માળીયા ખાતે તેમના વેવાઈના ઘેર આવ્યા હતા અને બાદમાં પેટ્રોલ ભરાવી પરત જતા હતા ત્યારે ઓનેસ્ટ હોટલ નજીક જીજે – 39 – સીએ – 9396 નંબરની ફોર્ચ્યુનર કારના ચાલકે પાછળથી ઠોકર મારતા હનીફ અને ઝુબેરને ઇજાઓ પહોંચતા સારવાર માટે રાજકોટ ખસેડવામાં આવ્યા હતા. બનાવ અંગે હાલમાં માળીયા મિયાણા પોલીસે ગુન્હો નોંધી તપાસ શરૂ કરી છે.
- text
- text
