- text
સીટી બી ડિવિઝન પોલીસે એક સાથે ત્રણ ફરિયાદ નોંધાતા વાહન ચોર પકડાઈ જવાની આગાહી
મોરબી : મોરબી શહેરના સામાકાંઠા વિસ્તારમાં આવેલ સમર્પણ હોસ્પિટલ નજીકથી ત્રણ બાઇકની ચોરીના અલગ અલગ બનાવો અંગે એક સામટી ફરિયાદ નોંધાતા વાહન ચોર પોલીસની હાથવેંતમાં હોવાના અણસાર મળી રહ્યા છે.
મોરબી સીટી બી ડિવિઝન પોલીસે વાહન ચોરીના ત્રણ બનાવના ફરિયાદ નોંધી છે જેમાં પ્રથમ કિસ્સામાં મહેન્દ્રનગરમા રહેતા ફરિયાદી ભાવેશભાઈ દિનેશભાઇ અઘારાનું રૂપિયા 35 હજારનું બાઈક ગત તા.28 ઓક્ટોબરના રોજ કોઈ અજાણ્યો તસ્કર સમર્પણ હોસ્પિટલ નજીકથી ચોરી કરી ગયાનું જાહેર કરાયુ છે.
- text
જ્યારે બીજા કિસ્સામાં પણ સમર્પણ હોસ્પિટલ નજીકથી ગત તા.28 ઓક્ટોબરના રોજ અજાણ્યો તસ્કર પીપળી ગામના રહેવાસી કુલદીપસિંહ મહેન્દ્રસિંહ ઝાલાનું 20 હજારનું બાઈક ચોરી જતા ફરિયાદ નોંધી છે. આ ઉપરાંત ગત તા.10 નવેમ્બરના રોજ પણ સમર્પણ હોસ્પિટલ પાસેથી અજાણ્યો તસ્કર મોરબીની ભાગ્યલક્ષ્મી સોસાયટીમાં રહેતા ચંદ્રપાલસિંહ બળવંતસિંહ ઝાલાનું રૂ.25 હજારનું બાઈક ચોરી જતા એક જ દિવસમાં ત્રણેય વાહન ચોરીની ફરિયાદ નોંધી છે જેથી વાહન ચોર પકડાયાના અણસાર મળી રહ્યા છે.
- text
