- text
મોરબી : મોરબી ખાતે આવતીકાલે શ્રી ગુરુ નાનક જયંતી નિમિતે સિંધી સમાજ દ્વારા લંગર પ્રસાદ, નગર કીર્તન સહિતના કાર્યક્રમોનું ભવ્ય આયોજન કરવામાં આવ્યું છે.
સર્વે સિંધી સમાજ મોરબી દ્વારા તા. 15-11-2024ને શુક્રવારના રોજ શ્રી ગુરુ નાનક જયંતીની ધામધૂમથી ઉજવણી કરવામાં આવશે. જેમાં સ્ટેશન રોડ પર આવેલા શ્રી ગુરુ નાનક દરબાર સિંધુ ભવન ખાતે સવારે 5 થી 6:30 કલાક સુધી નિતનેમ, આશાદિ વાર અને કીર્તન અને અરદાસ થશે. સવારે 9:30 કલાકે અખંડ પાઠ સાહેબની સમાપ્તિ થશે.
- text
બપોરે 12:30 કલાકે લંગર પ્રસાદનું આયોજન કરવામાં આવ્યું છે. સાંજે 4:30 કલાકે નગર કીર્તન (શોભાયાત્રા) યોજાશે. આ શોભાયાત્રા શ્રી ગુરુ નાનક દરબાર સિંધુ ભવનથી પ્રસ્થાન કરી શહેરના રાજમાર્ગો પર ફરશે. રાત્રે 10:30 કલાકે કથા, કીર્તન, સીમરન સાથે રાત્રે 1:20 કલાકે ફૂલોની વર્ષા કરી શ્રી ગુરુનાનક દેવજીનો જન્મ ઉત્સવ ઉજવવામાં આવશે.
- text
