- text
મોરબી : ચૂંટણી કાર્ડમાં ફેરફાર કરવા માટે જિલ્લા ચૂંટણી તંત્ર દ્વારા મોરબી જિલ્લાના તમામ મતદાન મથકો ઉપર તા.17, 23 અને 24 નવેમ્બરના રોજ ખાસ ઝુંબેશ યોજવામાં આવનાર છે. જેમાં સવારે 10 થી સાંજે 5 વાગ્યા સુધી કામગીરી કરવામાં આવશે.
હાલ મતદારયાદી ખાસ સંક્ષિપ્ત સુધારણા કાર્યક્રમ ચાલી રહ્યો છે. જે 28 નવેમ્બરે પૂર્ણ થશે. આ દરમિયાન મતદારયાદીમાં સુધારો-વધારો તથા નવુ નામ ઉમેરવા સહિતની કામગીરી કરવામાં આવી રહી છે. તેમાં પણ તા.17 નવેમ્બરને રવિવાર , તા.23 નવેમ્બરને શનિવાર અને તા.24 નવેમ્બરને રવિવારના રોજ દરેક મતદાન મથકો ઉપર ખાસ ઝુંબેશ યોજાનાર છે.તા.1/1/2025ના રોજ ઉપર 18 વર્ષ કે તેથી વધુ થતી હોય તો મતદાન યાદીમાં નામ નોંધાવી શકાશે. મતદારયાદીમાં નામ સાથે આધાર નંબર લિંક કરવાની સુવિધા પણ ઉપલબ્ધ હશે. વધુ વિગત માટે 1950 ઉપર સંપર્ક કરી શકાશે. તેમ યાદીમાં જણાવાયું છે.
- text
- text
