- text
મોરબી એલસીબી ટીમે કરેલી કાર્યવાહી
મોરબી : મોરબી – માળીયા હાઇવે ઉપર આવેલ સોખડા ગામની સીમમાં ખેતરમાં દારૂ દાટી વિદેશી દારૂનું વેચાણ થતું હોવાની બાતમીને આધારે એલસીબી ટીમે દરોડો પાડી બે સગા ભાઈઓને વિદેશી દારૂની 24 બોટલ સાથે ઝડપી લઈ પ્રોહીબિશન એકટ મુજબ કાર્યવાહી કરી હતી.
- text
પ્રાપ્ત વિગતો મુજબ મોરબી એલસીબી ટીમને બાતમી મળી હતી કે મોરબી – માળીયા હાઇવે ઉપર આવેલ સોખડા ગામની સીમમાં આરોપી સંજય મનસુખભાઇ થરેશા અને આરોપી ગણેશ ઉર્ફે સતીશ મનસુખભાઇ થરેશા દ્વારા ખેતરમાં દારૂની બોટલો દાટીને છુપાવી રાખી દારૂનું વેચાણ કરવામાં આવી રહ્યું છે જે બાતમીને આધારે પોલીસે દરોડો પાડતા ખેતરમાંથી જમીનમાં દાટેલ વિદેશી દારૂની 24 બોટલ કિંમત રૂપિયા 13,464 મળી આવતા પોલીસે બન્ને આરોપીઓને ઝડપી લઈ પ્રોહીબિશન એકટ મુજબ મોરબી તાલુકા પોલીસ મથકમાં ગુન્હો રજીસ્ટર કરાવ્યો હતો.
- text
