- text
વાંકાનેર તાલુકા પોલીસની કાર્યવાહી : અન્ય બે શખ્સોના નામ ખુલતા શોધખોળ હાથ ધરાઈ
મોરબી : વાંકાનેર તાલુકા પોલીસે એક ઇકો કારમાંથી ૫૦૦ લીટર દેશી દારૂ સાથે એક શખ્સને ઝડપી પાડ્યો છે. આ ઉપરાંત દારૂ મોકલનાર તથા મંગાવનારના નામ ખુલતા તેની પણ શોધખોળ હાથ ધરી છે.
પ્રાપ્ત વિગતો અનુસાર વાંકાનેર તાલુકા પોલીસે બાતમીના આધારે પાડધરા ગામ પાસે આવેલ મહાનદીના પુલ ઉપરથી દેશી દારૂની હેરાફેરી કરનાર નંબર પ્લેટ વગરની સિલ્વર કલરની મારૂતી સુઝુકી ઇકો કારમાં દેશી દારૂ લીટર-૫૦૦ સાથે કુલ કી.રૂ.૪,૦૦,૦૦૦/- ના મુદ્દમાલ સાથે અજયભાઇ ભગવાનભાઈ મકવાણા ઉ.વ.૨૦ રહે. નાળીયેરી તા.ચોટીલાવાળાને પકડી પાડ્યો છે. પ્રાથમિક પૂછપરછમાં આ જથ્થો ચાંપરાજભાઇ રહે.જાનીવડલા તા. ચોટીલાએ આપ્યો હોય અને મયુર ઉર્ફે નાગરાજ હરેશભાઇ અસવાર રહે.ઢુંવાવાળાએ મંગાવ્યો હોવાનું ખુલતા તેની પણ શોધખોળ હાથ ધરવામાં આવી છે.
- text
- text
