- text
મોરબી : અંદરપા પરિવાર દ્વારા મોરબી તાલુકાના મુ. ગાળા (સ્વામિનારાયણનગર) ખાતે શ્રી મદ ભાગવત સપ્તાહ જ્ઞાનયજ્ઞનું આયોજન કરવામાં આવ્યું છે. તારીખ 9-11-2024ને શનિવારના રોજ આ સપ્તાહનો પ્રારંભ થશે. તેમજ તા. 15-11-2024ને શુક્રવારના રોજ કથાની પૂર્ણાહુતિ થશે.
આ કથામાં શ્રી મદ ભાગવત કથાકાર શાસ્ત્રીજી રાજુભાઇ આર શાસ્ત્રીજી (આંદરણાવાળા) વ્યાસપીઠે બિરાજી સવારે 8:30 થી બપોરે 11:30 કલાક તેમજ બપોરના 3 થી 6 કલાક દરમ્યાન સંગીતમય શૈલીમાં કથાનું રસપાન કરાવશે. આ કથામાં તા. 9ના રોજ સવારે 8 કલાકે પોથીયાત્રા ત્યારબાદ શ્રી મદ ભાગવત માહાત્મ્ય, તા. 10ના રોજ 11 કલાકે કપિલ જન્મ, તા. 11ના રોજ સવારે 10 કલાકે ધ્રુવ ચરિત્ર અને સાંજે 5:30 કલાકે નૃસિંહ ભાગવત પ્રાગટય, તા. 12ના રોજ સવારે 10 કલાકે ભગવાન વામન જન્મ અને બપોરે 12 કલાકે રામ ભગવાન જન્મ તેમજ સાંજે 5:30 કલાકે કૃષ્ણ જન્મ મહોત્સવ, તા. 13ના રોજ સવારે 9 કલાકે કૃષ્ણ લીલા ચરિત્ર, તા. 14ના રોજ સાંજે 5 કલાકે રૂક્ષ્મણી વિવાહ, તા. 15ના રોજ સવારે 9 કલાકે સુદામા ચરિત્ર અને સાંજે 4 કલાકે પરીક્ષિત મોક્ષ તથા કથા વિરામ વગેરે કાર્યક્રમો યોજાશે.
- text
આ કથામાં તા. 10ના રોજ રાત્રી દરમ્યાન જીગર વ્યાસ, હર્ષદ પટેલ, મિલન પટેલ, અજિંદા ગ્રુપ, કશ્યપ ઉસ્તાદ, અને રાહુલ બેંજો દ્વારા સંતવાણી આરાધના કરવામાં આવશે. તા. 12ના રોજ હિતેશગીરી, જયશ્રીબેન પંડ્યા, કશ્યપ ઉસ્તાદ અને રાહુલ બેંજોના સથવારે સંતવાણી આરાધના કરવામાં આવશે. તેમજ તા. 14ના રોજ રાસ ગરબાનું આયોજન કરવામાં આવ્યું છે. જેમાં મિલન પટેલ, લખનભાઈ અને ધુલી ઢોલ બીટ્સના સંગાથે રમઝટ બોલાવવામાં આવશે. આ કથા દરમ્યાન તમામ ભક્તજનો માટે પ્રસાદની વ્યવસ્થા કરવામાં આવી છે. તેમજ આ કથાનો લાભ લેવા ગોરધનભાઈ પૂંજાભાઈ અંદરપા અને મણીભાઈ પૂંજાભાઈ અંદરપા દ્વારા નિમંત્રણ પાઠવવામાં આવ્યું છે.
- text
