- text
મોરબી : મૂળ માનસર હાલ મોરબી નિવાસી રમેશભાઈ ડાયાભાઇ મેરજા અને સમસ્ત મેરજા પરિવાર દ્વારા મોરબી તાલુકાના નારણકા ખાતે બહુચર માતાજીના મંદિરે 20માં વાર્ષિક પાટોત્સવનું આયોજન કરવામાં આવ્યું છે. જેમાં તા. 8-11-2024ને શુક્રવારના રોજ સાંજે 5 કલાકે શોભાયાત્રા, રાત્રે 9 કલાકે રાસ-ગરબા તથા રાત્રે 10 કલાકે શ્રી ભગવતી આશ્રિત નકલંક લોક ભવાઈ મંડળ યોજાશે.
આ ઉપરાંત તા. 9-11-2024ને શનિવારના રોજ વહેલી સવારથી મહાયજ્ઞ યોજાશે. આ મહાયજ્ઞમાં સવારે 9:30 કલાકે તેજસ્વી તારલાઓનો સન્માન સમારોહ યોજવામાં આવશે. બપોરે 11:30 કલાકે બીડું હોમવામાં આવશે. ત્યારબાદ મહાપ્રસાદનું આયોજન કરવામાં આવ્યું છે. આ યજ્ઞનો લાભ લેવા પ્રશાંતભાઈ રમેશભાઈ મેરજા તથા મમતાબેન પ્રશાંતભાઈ મેરજા દ્વારા સમસ્ત મેરજા પરિવારને આમંત્રણ પાઠવવામાં આવ્યું છે.
- text
- text
