- text
એક આરોપી ભાવનગર અને બીજો આરોપી સુરત જેલમાં મોકલાયો
મોરબી : મોરબીમાં વારંવાર વિદેશી દારૂના ગુન્હા આચરતા બુટલેગરને તેમજ વ્યાજખોરીમાં અનેક વખત પોલીસ ચોપડે ચડી ગયેલા બે શખ્સને પાસા તળે જેલમાં ધકેલવા જિલ્લા મેજિસ્ટ્રેટ સમક્ષ થયેલ દરખાસ્ત મંજુર થતા બન્ને આરોપીઓને અલગ અલગ જેલમાં મોકલી આપવામાં આવ્યા હતા.
પ્રાપ્ત વિગતો મુજબ મોરબી સિટી એ ડિવિઝન પોલીસ મથક દ્વારા કાલિકા પ્લોટમાં રહેતા અને અવાર નવાર વિદેશી દારૂના ગુન્હા આચરતા આરોપી સમીર રફીકભાઈ પલેજા અને વારંવાર વ્યાજ વટાવની ગેરકાયદેસર પ્રવૃત્તિ કરવાના ગુન્હામાં પોલીસ ચોપડે ચડી ચૂકેલા દુષ્યંત ઉર્ફે કિશન મહેશભાઈ અજાણા વિરુદ્ધ પાસા દરખાસ્ત કરવામાં આવતા દરખાસ્ત મંજુર થતા પોલીસે આરોપી સમીરને ભાવનગર જેલમાં તેમજ દુષ્યંતને સુરતની લાજપોર જેલમાં મોકલી આપ્યો હતો.
- text
- text
