- text
મોરબી : ન્યૂ ગુજરાત હાઉસિંગ બોર્ડની ગરબી મંડળ દ્વારા આયોજિત નવરાત્રિ મહોત્સવમાં આઠમાં નોરતે દીકરીઓએ વિવિધ રાસ રજૂ કરીને સૌને દંગ કરી દીધા હતા.
મોરબીના શનાળા રોડ ઉપર આવેલ ન્યૂ ગુજરાત હાઉસિંગ બોર્ડની પ્રાચીન ગરબી ભારે જમાવટ કરી રહી છે. 260 દીકરીઓ અલગ અલગ ગ્રુપમાં વિભાજિત થઈને વિવિધ રાસો રજૂ કરીને સૌને દંગ કરી દીધા છે. આ નવરાત્રિ મહોત્સવ અંતિમ ચરણમાં પહોંચી ગયો હોય ત્યારે ન્યૂ ગુજરાત હાઉસિંગ બોર્ડની પ્રાચીન ગરબીમાં ગઈકાલે રાત્રે આઠમના નોરતે દીકરીઓએ તલવાર, અંગારા રાસ અને અઘોર નગારા રાસ તેમજ આશાપુરા માતાજીનું નાટક ભજવી માતાજીની આરાધના કરી હતી. આ પ્રાચીન ઢબથી રજૂ થયેલા પ્રખ્યાત રાસ જોવા મોટી સંખ્યામાં લોકો ઉમટી પડ્યા હતા. આ પ્રાચીન રાસો રજૂ કરવા માટે ન્યૂ ગુજરાત હાઉસિંગ બોર્ડની પ્રાચીન ગરબી મંડળના તમામ કાર્યકર્તાઓએ ભારે જહેમત ઉઠાવી હતી.
- text
- text
