- text
મુળીના આંબરડી ગામનો યુવાન વાડીએથી ઘરે જઈ રહ્યો હતો ત્યારે સર્જાઈ દુર્ઘટના
હળવદ : મંગળવાર હળવદ તાલુકાના દીઘડીયા ગામ નજીકથી પસાર થતી મોરબી બ્રાન્ચની નર્મદા કેનાલમાં મુળી તાલુકાનાં આંબરડી ગામનો યુવાન આજે વહેલી સવારે બાઇક સાથે કેનાલમાં ખાબક્યો હતો.બનાવને પગલે સ્થાનિક તરવૈયાઓ દ્વારા ભારે શોધખોળ બાદ યુવાનનો મૃતદેહ અને બાઈકને કેનાલ માંથી બહાર કાઢવામાં આવ્યા હતા.
- text
બનાવની જાણવા મળતી વિગતો મુજબ મૂળી તાલુકાના આંબરડી ગામે રહેતા અલ્પેશભાઈ રવજીભાઈ સડાલીયા ઉંમર વર્ષ 35 આજે વહેલી સવારે પાંચેક વાગ્યાની આસપાસ હળવદના દીઘડીયા નજીક જંગલમાંથી પસાર થતી મોરબી બ્રાન્ચની નર્મદા કેનાલ કાંઠેથી બાઇક લઇ પસાર થઈ રહ્યા હતા ત્યારે બાઈક સાથે કેનાલના પાણીમાં ખાબકતા સ્થાનિક લોકો દ્વારા શોધખોળ કરવામાં આવી રહી હતી.ભારે શોધખોળ બાદ અંતે યુવાનના મૃતદેહને કેનાલમાંથી બહાર કઢાવ્યો હતો.
- text
