- text
મોરબી, ઘુનડા અને સજ્જનપરના જુગારીઓ પાસેથી 3.89 લાખ રોકડ જપ્ત
ટંકારા : ટંકારા તાલુકાના સજ્જનપર ગામે રહેણાંક મકાનમાં જુગારધામ ધમધમતું હોવાની બાતમીને આધારે ટંકારા પોલીસે દરોડો પાડી મોરબી, ઘુનડા અને સજ્જનપર ગામના આઠ જુગારીઓને રોકડા રૂપિયા 3.89 લાખ સાથે ઝડપી લઈ જુગારધારા મુજબ કાર્યવાહી હાથ ધરી હતી.
- text
પ્રાપ્ત વિગતો મુજબ ટંકારા પોલીસને પેટ્રોલિંગ દરમિયાન બાતમી મળી હતી કે, સજ્જનપર ગામે રહેતા આરોપી રાજેશભાઇ ભગવાનભાઈ સિણોજીયા પોતાના ઘરમાં નાલ ઉઘરાવી જુગાર રમવાના સાધનો પુરા પાડી જુગાર રમાડી રહ્યા છે. જે બાતમીને આધારે પોલીસે દરોડો પાડતા આરોપી (1) રાજેશભાઈ ભગવાનભાઈ શિણોજીયા, રહે. સજ્જનપર (2) મનોજભાઈ જેરામભાઈ વિરમગામા, રહે.નેસડા સુરજી (3) મહેન્દ્રભાઈ વેલજીભાઈ સિણોજીયા રહે. મોરબી (4) નરેન્દ્રભાઈ હસમુખભાઈ જીવાણી રહે. મોરબી (5) જયંતિભાઈ વશરામભાઈ બરાસરા રહે. સજ્જનપર (7) મહેન્દ્રભાઈ હરજીભાઈ રંગપરીયા રહે.ઘુનડા (7) સલીમભાઈ સદરૂદ્દીનભાઈ બખતરીયા રહે.ઘુનડા અને (8) જયંતીભાઈ ત્રિકમજીભાઈ રંગપરીયા રહે. મોરબી નામના આરોપીઓ રોકડા રૂપિયા 3.89 લાખ સાથે તીનપતિ રમતા ઝડપાઇ જતા પોલીસે પ્રોહીબિશન એકટ મુજબ કાર્યવાહી કરી હતી.
- text
