- text
સીટી બી ડિવિઝન પોલીસે શક્તિ ચેમ્બર નજીક કરેલી કાર્યવાહી
મોરબી : મોરબી – વાંકાનેર નેશનલ હાઇવે ઉપર શક્તિ ચેમ્બર નજીક ટાઇલ્સના ખુલ્લા વાડામાં વિદેશી દારૂનો જથ્થો ભરેલી સેન્ટ્રો કાર પડી હોવાની બાતમીને આધારે સીટી બી ડિવિઝન પોલીસે દરોડો પાડી અલગ અલગ બ્રાન્ડની 75 બોટલ દારૂ તેમજ એક સેન્ટ્રો કાર કબજે કરી હતી. જો કે, આરોપી હાથ લાગ્યો ન હતો.
મોરબી સીટી બી ડિવિઝન પોલીસ ટીમે બાતમીને આધારે મોરબી – વાંકાનેર નેશનલ હાઇવે ઉપર શક્તિ ચેમ્બર નજીક આવેલ જે.કે.ટાઇલ્સના વાડામાં દરોડો પાડી જીજે – 01 – એચએન – 6202 નંબરની સેન્ટ્રો કારની તલાશી લેતા કારમાંથી અલગ અલગ બ્રાન્ડની વિદેશી દારૂની 75 બોટલ કિંમત રૂપિયા 96,740 મળી આવતા પોલીસે 50 હજારની સેન્ટ્રો સહિત કુલ રૂપિયા 1,46,740નો મુદ્દામાલ કબ્જે કર્યો હતો. દરોડા દરમિયાન આરોપી રાજદીપસિંહ ઉર્ફે રાજા વિક્રમસિંહ સરવૈયા હાજર નહિ મળી આવતા પોલીસે ફરાર દર્શાવી પ્રોહીબિશન એકટ મુજબ કાર્યવાહી કરી હતી.
- text
- text
