- text
સ્થાનિક પોલીસે 15 હજારની કિંમતના બે હથિયાર કબ્જે કર્યા
મોરબી : માળીયા મિયાણા અને મોરબી સીટી બી ડિવિઝન પોલીસે બાતમીને આધારે બે અલગ અલગ દરોડામાં બે શખ્સને તમંચા સાથે ઝડપી લઈ 15 હજારની કિંમતના બન્ને હથિયાર કબ્જે કરી આર્મ્સ એકટ મુજબ કાર્યવાહી કરી હતી.
માળીયા મિયાણા પોલીસે વાગડીયા ઝાપા નજીક આવેલ એબનશાહ પીરની દરગાહ સામેથી આરોપી લતીફ હૈદરભાઈ કાજેડીયા ઉ.32 રહે.સરકારી હોસ્પિટલ પાછળ વાળાને રૂપિયા 5 હજારની કિંમતના દેશી બનાવટના તમંચા સાથે ઝડપી લઈ આર્મ્સ એકટ મુજબ કાર્યવાહી કરી હતી.
- text
જ્યારે મોરબી સીટી બી ડિવિઝન પોલીસે વિશિપરા મેઈન રોડ ઉપર પોલીસ ચોકી નજીકથી આરોપી સિકંદર હમરુદીન કટિયા ઉ.24 રહે. કુલીનગર નામના શખ્સને 10 હજારની કિંમતના દેશી હાથ બનાવટના તમંચા સાથે ઝડપી લઈ આર્મ્સ એકટ મુજબ ગુન્હો રજીસ્ટર કરી કાયદેસરની કાર્યવાહી હાથ ધરી હતી.
- text
