- text
તાલુકા પોલીસે ભડિયાદ અને જૂના ઘુંટુ રોડ ઉપર કરેલી કાર્યવાહી
મોરબી : મોરબી તાલુકા પોલીસે ભડિયાદ ગામે રામપીરના ઢોરા પાસે તેમજ જુના ઘુંટુ રોડ ઉપર ડેકો ગોલ્ડ સિરામિક પાસે દરોડો પાડી જાહેરમાં જુગાર રમતી એક મહિલા સહિત આઠ જુગારીઓને પકડી પાડી 77,600 રોકડા કબ્જે કરી જુગારધારા મુજબ કાર્યવાહી કરી હતી.
જુગારના પ્રથમ દરોડામાં મોરબી તાલુકા પોલીસે ભડિયાદ ગામે રામપીરના ઢોરે જાહેરમાં જુગાર રમતા આરોપી ગાંડુભાઇ બાજુભાઇ ઇંટોદરા, સીરાજભાઇ અમીરઅલી પોપટીયા, જશુભાઇ સુજાભાઇ ઇટોંદરા, હીતેષભાઇ અતુલભાઇ ત્રીવેદી અને યાસ્મીનબેન ઉર્ફે આરતીબેન શૈલેષભાઇ અગેચણીયાને રોકડા રૂપિયા 67,500 સાથે તીનપતિ રમતા ઝડપી લઈ જુગારધારા મુજબ કાર્યવાહી કરી હતી.
જ્યારે બીજા દરોડામાં પોલીસે જુના ઘુંટુ રોડ ઉપર ડેકો ગોલ્ડ સિરામિક નજીક જાહેરમાં જુગાર રમતા આરોપી સુનીલભાઈ રતિભાઈ રાઠોડ, નાથાભાઇ બહાદુરભાઇ થરેશા અને ગાંડુભાઇ નારણભાઇ ટીડાણીને તીનપતિનો જુગાર રમતા ઝડપી લઈ રોકડા રૂપિયા 10,100 સાથે ઝડપી લઈ જુગારધારા મુજબ કાર્યવાહી હાથ ધરી હતી.
- text
- text
