- text
એલસીબી, વાંકાનેર સીટી અને તાલુકા પોલીસે ગોડાઉન, વાડી અને જાહેરમાં જુગાર ઉપર ધોસ બોલાવી
વાંકાનેર : વાંકાનેર શહેર અને તાલુકા વિસ્તારમાં મોરબી એલસીબી, વાંકાનેર સીટી અને તાલુકા પોલીસે અલગ અલગ ચાર દરોડામાં ફેકટરીના ગોડાઉનમાં, વાડીની ઓરડીમાં ચાલતી બે જુગાર કલબ પકડી પાડવાની સાથે કોટડા નાયાણી અને ભોજપરા ગામના ચોરા પાસે જાહેરમાં જુગાર રમી રહેલા કુલ 27 પત્તાપ્રેમીઓને ઝડપી લઈ લાખો રૂપિયાની રોકડ સહિતનો મુદામાલ પકડી પાડી તમામ વિરુદ્ધ જુગારધારા મુજબ કાર્યવાહી કરી હતી.
જુગારના પ્રથમ દરોડામાં વાંકાનેર મોરબી નેશનલ હાઇવે ઉપર ઇમ્પેરીયલ્સ હોટલની બાજુમાં સેનીટેક સેનીટરીવેર(રાધે આર્ટસ) ના ગોડાઉનમાં મોરબીનો આરોપી રાજેશભાઇ જીવરાજભાઇ મેંદપરા જુગાર ક્લબ ચલાવતો હોવાની બાતમીને આધારે મોરબી એલસીબી ટીમે દરોડો પાડી આરોપી રાજેશભાઇ જીવરાજભાઇ મેંદપરા, ચંદ્રકાંતભાઇ બચુભાઇ સાદરીયા, દીપ્તેશભાઇ જગજીવનભાઇ વામજા, વાસુદેવભાઇ મગનભાઇ ગઢીયા અને રસીકભાઇ ચતુરભાઇ ઘેટીયા રહે. તમામ મોરબી વાળાને તીનપતિનો જુગાર રમતા ઝડપી લઈ રોકડા રૂપિયા 6,04,500 સાથે ઝડપી લઈ જુગારધારા મુજબ વાંકાનેર તાલુકા પોલીસ મથકમાં ગુન્હો રજીસ્ટર કરાવ્યો હતો.
- text
જયારે બીજા દરોડામાં વાંકાનેર તાલુકા પોલીસે અગાભી પીપળીયા ગામની બોળીયા સીમમાં આરોપી હીતેન્દ્રસિંહ પ્રવિણસિંહ જાડેજા પોતાની વાડીની ઓરડીમાં માં જુગાર કલબ ચલાવતો હોવાની બાતમીને આધારે દરોડો પાડી આરોપી હીતેન્દ્રસિંહ પ્રવિણસિંહ જાડેજા, ક્રુષ્ણસિંહ ભુપતસિંહ જાડેજા, ગૌરવભાઇ નરોત્તમભાઇ રાજગોર, રૂષભભાઇ પ્રવીણભાઇ પાનસુરીયા, રાજેશભાઇ બચુભાઇ કાસુન્દ્રા, સામતભાઇ પાલાભાઇ બાળા, ઇસ્માઇલભાઇ જીવાભાઇ વકાલીયા, વીજયભાઇ ભગવાનભાઇ ભાણીયા, રાહીલભાઇ ગોવીંદભાઇ ભાણીયા, જયેશભાઇ હીરજીભાઇ પેઢડીયા, ધર્મેન્દ્રસિંહ મોહનસિંહ જાડેજા અને હરેશભાઇ ઉર્ફે હકાભાઇ ચતુરભાઇ કલોલાને તીનપતિનો જુગાર રમતા ઝડપી લઈ રોકડા રૂપિયા 4,80,000, મોબાઇલ ફોન નંગ-11 કિંમત રૂપિયા 39,500 તેમજ ઇકો કાર કિંમત રૂપિયા 1,50,000 સહિત કુલ રૂપિયા 6,69,500ના મુદામાલ સાથે ઝડપી લઈ જુગારધારા મુજબ કાર્યવાહી કરી હતી.
ત્રીજા દરોડામાં વાંકાનેર તાલુકા પોલીસે કોટડા નાયાણી ગામે રામદેવપીરના મંદીર પાસે દરોડો પાડી જાહેરમાં જુગાર રમતા આરોપી સતાભાઇ કડવાભાઇ વરૂ, પરાક્રમસિંહ હાલુભા જાડેજા, યાકુબભાઇ બોદુભાઇ કાતીયાર, કાળુભાઇ દેવજીભાઇ રાઠોડ, કીરીટસિંહ પ્રવીણસિંહ જાડેજા, પ્રકાશભાઇ હશુભાઇ ધ્રાંગધરીયા અને રમજાનભાઇ અભરામભાઇ ઠેબાને તીનપત્તીનો જુગાર રમતા ઝડપી લઈ રોકડા રૂપીયા 27,400 કબ્જે કરી તમામ વિરુદ્ધ જુગારધારા મુજબ કાર્યવાહી કરી હતી.
જયારે ચોથા દરોડામાં વાંકાનેર સીટી પોલીસ ટીમે બાતમીને આધારે મોટા ભોજપરા ગામના ચોરા પાસે જાહેરમા જુગાર રમી રહેલા આરોપી ઉમેશભાઇ રમેશભાઇ ચૌહાણ, ધરમશીભાઇ છનાભાઇ વિંજવાડીયા અને રજનીકભાઇ રાજેશભાઇ વિંજવાડીયાને તીનપતીનો હારજીતનો જુગાર રમતા ઝડપી લઈ રોકડા રૂપિયા 11,700 કબ્જે કરી જુગારધારા મુજબ કાર્યવાહી કરી હતી.
- text
