- text
મોરબી જિલ્લા ભાજપ અનુસૂચિત જાતિ મોરચા પ્રમુખે ચીફ ઓફિસરને કરી લેખિત રજૂઆત
મોરબી : મોરબી જિલ્લા ભાજપ અનુસુચિત જાતિ મોરચાના પ્રમુખ બાબુભાઈ નાનજીભાઈ પરમારે મોરબી નગરપાલિકાના ચીફ ઓફિસરને લેખિત રજૂઆત કરીને અનુસૂચિત જાતિના સફાઈ કર્મચારીઓની સેફ્ટી અંગે તાત્કાલિક પગલાં લેવા વિનંતી કરી છે.
- text
બાબુભાઈ પરમારના જણાવ્યા પ્રમાણે, મોરબી નગરપાલિકા વિસ્તારમાં સફાઈની કામગીરી સાથે જોડાયેલા અનુસૂચિત જાતિ સમાજના ભાઈઓ/બહેનો દિવસ-રાત સફાઈ કામદાર તરીકે સફાઈની કામગીરી કરે છે. તેઓની સલામતી અને સારું સ્વાસ્થ્ય જળવાઈ રહે તે માટે તેઓને હાથના મોજા, પગ માટે બુટ જેવી સુરક્ષા સામગ્રી પૂરી પાડવામાં આવે. તથા વોર્ડ નંબર 1 થી 13ના આગેવાનો સાથે મીટીંગ કરી અનુસૂચિત જાતિ સમાજના સફાઈ કામદારો સાથે યોગ્ય વર્તન કરવું તેમજ જરૂરી લાગે ત્યાં પોલીસ પ્રોટેક્શન આપવું. આ ઉપરાંત મોરબી નગરપાલિકાની અંદર આવેલ બિલ્ડિંગ પરનું બોર્ડ વૃક્ષોને કારણે દેખાતું ન હોય બોર્ડ દેખાય તે રીતે લગાવવું. પાલિકા કચેરીમાં આવેલી ડો. બાબા સાહેબ આંબોડકરના સ્ટેચ્યૂની સફાઈ કરાવી સમયાંતરે સાફ સફાઈ જળવાઈ રહે તે મુજબની કાર્યવાહી કરવા જણાવ્યું છે.
- text
