- text
મોરબી : મોરબીના નીચી માંડલના યુવાને સોનાના દાગીના ભરેલું પર્સ મૂળ માલિકને પરત કરીને પ્રામાણિકતાનું ઉદાહરણ પૂરું પાડ્યું છે. મળતી વિગતો પ્રમાણે મૂળ મોરબીના અનવ હાલ હળવદના મયુરનગરમાં રહેતા નીતાબેન ચાવડા મયુર નગરથી સુસવાવ ગામે એકટીવા લઈને જતા હતા ત્યારે રસ્તામાં તેમનું પર્સ પડી ગયું. આ પર્સમાં સોનાનો ચેઇન, સોનાનું મંગળસૂત્ર અને સોનાના પાટલા હતા. જે પર્સ નીચી માંડલ ગામના નરેશભાઈ ધીરુભાઈ થરેશાને ધનાળા ગામ પાસેથી મળ્યું હતું. તેથી તેમણે પર્સના મૂળ માલિકનો સંપર્ક કરીને દાગીના ભરેલું પર્સ પરત કરીને પ્રામાણિકતાનું ઉદાહરણ પૂરું પાડ્યું હતું.
- text
- text
