- text
મોરબી : મોરબીના બગથળાથી ખાખરાળા રોડ પર આવેલી કેનાલમાં મોટું ગાબડું પડ્યું છે. જેના કારણે આસપાસના ખેતરોમાં પાણી ફરી વળ્યા છે. જો કે આ મામલે તંત્ર અજાણ હોવાનું સામે આવ્યું છે.
સ્થાનિક યોગેશભાઈના જણાવ્યા પ્રમાણે બગથળાથી ખાખરાળા વચ્ચે કેનાલની સાયફનમાં કચરો ભરાઈ જતાં દોઢ ફૂટ જેટલું ગાબડું પડી ગયું છે. આ ગાબડું પડતાં આસપાસના સાતેક જેટલા ખેતરોમાં પાણી ભરાયા છે. આ અંગે મચ્છુ-2 ડેમના અધિકારી વિશાલ પટેલ સાથે વાતચીત કરતાં તેઓ આ વાતથી અજાણ હોવાનું અને આ અંગે જરૂરી તપાસ કરવામાં આવશે તેમ જણાવ્યું હતું.
- text
- text
