મોરબીના ગૌરક્ષકોએ પોલીસની મદદથી 67 ઘેટાઓના જીવ બચાવ્યા : ચાર આરોપીઓની ધરપકડમોરબી : કચ્છથી બે બોલેરો ગાડીમાં ક્રૂરતા પૂર્વક બાંધીને ઘેટા લઈ જવામાં આવી રહ્યા હોવાની બાતમીને આધારે મોરબીના ગૌરક્ષકોએ ટીંબડી પાટિયા, રવિરાજ ચોકડી નજીક વોચ ગોઠવી મોરબી તાલુકા પોલીસની મદદથી આ બે ગાડીઓને ઝડપી લઈ 67 ઘેટાઓના જીવ બચાવી ચાર આરોપીઓ વિરુદ્ધ ગુન્હો રજીસ્ટર કરાવ્યો હતો.પ્રાપ્ત વિગતો મુજબ મોરબીના ગૌરક્ષકોની ટીમને માહિતી મળી હતી કે કચ્છ તરફથી બે બોલેરો ગાડીમાં અબોલજીવને ક્રૂરતાપૂર્વક બાંધીને રાજકોટ - જામનગર તરફ લઈ જવામાં આવી રહ્યા છે. ઉક્ત માહિતીને આધારે ગૌરક્ષકોએ મોરબી તાલુકા પોલીસની મદદથી મોરબી - કચ્છ હાઇવે ઉપર વોચ ગોઠવી ટીંબડી પાટિયા રવિરાજ ચોકડી નજીકથી પસાર થતી જીજે - 12 - બીવાય - 594 અને જીજે - 12 - બીવાય - 4428 નંબરની બોલેરો અટકાવી તલાશી લેતા બોલેરો ગાડીમાંથી 67 ઘેટા ઠાંસી ઠાંસીને ભર્યા હોવાનું સામે આવ્યું હતું.વધુમાં પશુપ્રત્યે ઘાતકીપણુ આચરવામાં આ કિસ્સામાં મોરબીના જીવદયાપ્રેમી જયરાજસિંહ મહાવીરસિંહ ઝાલા રહે.શિવપાર્ક સોસાયટી મોરબી વાળાની ફરિયાદને આધારે મોરબી તાલુકા પોલીસે આરોપી મુસ્તુફા જમનશા શેખ, રહે-ભુજ ઓકટ્રો ચોકી બાજુમાં તા-અંજાર, મહમદ સીદીક આશિમશા શેખ, ભીમાભાઈ વશરામભાઈ રબારી, રહે-જંગી ગામ તા-ભચાઉ જી-કચ્છ અને આરોપી અમીનશા મહમદશા શેખ રહે-શિકારપુર તા-ભચાઉ જી-કચ્છ-ભુજ વાળાને અટકાયતમાં લઈ બે બોલેરો ગાડી સહિત કુલ રૂપિયા 8,01,000નો મુદ્દામાલ કબ્જે લઈ ઘેટાઓને પાંજરાપોળ મોકલી આપી ચારેય આરોપીઓ વિરુદ્ધ પશુપ્રત્યે ઘાતકીપણુ આચરવા સબબ કાયદેસરની કાર્યવાહી કરી હતી.
.jpg)
