- text
દિવ્યાંગો માટે સાયક્રાટીક, ઓર્થોપેડિક સર્જન, સાયકોલોજિસ્ટ, કાઉન્સેલર, ડી.ઇ.ઓ. નિષ્ણાંતો સેવા આપશે
મોરબી : મોરબી જિલ્લાના દિવ્યાંગજનો માટે સિવિલ હોસ્પિટલ મોરબી, તેમજ મોરબી જિલ્લા સમાજ સુરક્ષા કચેરી દ્વારા દિવ્યાંગજનો માટે જિલ્લામાં વિવિધ સ્થળોએ મેડિકલ કેમ્પનું આયોજન કરવામાં આવ્યું છે. જ્યાં દિવ્યાંગજનોના મેડિકલ સર્ટિફિકેટ કઢાવવાની કામગીરી કરવામાં આવશે.
આ કેમ્પ અનુસંધાને તારીખ 21 જૂનના રોજ સવારે 10-30 થી 1 દરમિયાન જનરલ હોસ્પિટલ, મોરબી ખાતે આયોજિત મેડિકલ કેમ્પમાં સાયક્રાટીક ડો. પ્રજ્ઞાબેન સોરાણી અને ડો. દીપ ભાડજા સેવા આપશે. તારીખ 5 જુલાઈના રોજ સવારે 10-30 થી 1 દરમિયાન બી.આર.સી. ભવન- ટંકારા ખાતે આયોજિત મેડિકલ કેમ્પમાં ઓર્થોપેડિક સર્જન ડો.પૂર્વ પટેલ, ડો. દિવ્યેશ જેતપરિયા, ડો. પાર્થ કણસાગરા અને ડો. સાગર હાંસલિયા સેવા આપશે.
- text
વધુમાં તારીખ 19 જુલાઈના રોજ સવારે 10-30 થી 1 દરમિયાન સરકારી હોસ્પિટલ- વાંકાનેર ખાતે આયોજિત મેડિકલ કેમ્પમાં સાયકોલોજિસ્ટ દિવ્યાબેન ગોહિલ સેવા આપશે. તારીખ 2 ઓગસ્ટના રોજ સવારે 10-30 થી 1 દરમિયાન સામૂહિક આરોગ્ય કેન્દ્ર- માળીયા ખાતે આયોજિત મેડિકલ કેમ્પમાં કાઉન્સેલર ભાવેશ છાત્રોલા સેવા આપશે તેમજ તારીખ 16 ઓગસ્ટના રોજ સવારે 10-30 થી 1 દરમિયાન નવજીવન વિકલાંગ સેવાશ્રય- હળવદ ખાતે ડી.ઇ.ઓ. દિવ્યેશ સીતાપરા સેવા આપશે.
મોરબી જિલ્લાના તમામ દિવ્યાંગજનોને મેડિકલ સર્ટિફિકેટ કઢાવવા બાળલગ્ન પ્રતિબંધક અધિકારી સહ જિલ્લા સમાજ સુરક્ષા અધિકારીની કચેરી, મોરબી દ્વારા અનુરોધ કરવામાં આવ્યો છે.
- text
