- text
ગુજરાત સરકારના શહેરી વિકાસ વિભાગ દ્વારા ચોથી વખત મુદત લંબાવાઈ
મોરબી : ગુજરાત સરકારે ગેરકાયદેસર બાંધકામોને રેગ્યુલાઇઝડ કરવા માટે ઈમ્પેક્ટ ફી ભરવાની મુદ્દતમાં છ મહિનાનો વધારો કરવા નિર્ણય કર્યો છે. તા.16 જૂનના રોજ ઈમ્પૅક્ટ ફી ભરવાની મુદત પૂર્ણ થઇ રહી હોવાથી ગુજરાત સરકારના શહેરી વિકાસ વિભાગ દ્વારા ઈમ્પેક્ટ ફી ભરવાની મુદતમાં સતત ચોથીવાર વધારો કરતા હવે વધુ છ મહિનાની મુદત લંબાવવાવામાં આવી છે.
ગુજરાત સરકારના શહેરી વિકાસ વિભાગ દ્વારા મહત્વનો નિર્ણય કરવામાં આવ્યો છે. શહેરી વિકાસ વિભાગના જોઈન્ટ સેક્રેટરી પ્રકાશ દત્તાની સહીથી રાજ્યમાં બિનઅધિકૃત ગેરકાયદેસર બાંધકામો ફી ભરીને કાયદેસર કરવા માટેની ઇમ્પેક્ટ ફી ભરવાની મુદત વધુ 6 મહિના લંબાવાઇ છે. ઈમ્પેક્ટ ફી ભરવાની મુદતમાં સતત ચોથી વખત વધારો કરવામાં આવ્યો છે. ઉલ્લેખનીય છે કે ત્રીજી વખત અપાયેલી 6 મહિનાની મુદત 16મી જૂને એટલે કે આજે પૂર્ણ થઈ રહી હતી. હવે નવી તારીખ 17મી જૂન રવિવારથી આગામી છ મહિના સુધી મુદતમાં વધારો કરવામાં આવ્યો છે.
- text
ગુજરાતમાં ગેરકાયદે બાંધાકમને ઈમ્પેક્ટ ફી ભરીને કાયદેસર કરી શકાય છે. આ પહેલા ત્રણ વાર સરકાર દ્વારા ઈમ્પેક્ટ ફીની મુદત વધારી હતી. ગુજરાત સરકાર દ્વારા ગેરકાયદે તેમજ બીયુ વિનાના બાંધાકમને તોડીને ઈમ્પેક્ટ ફી ભરીને કાયદેસર કરી શકાય તે માટે બાંધકામો તોડવાને બદલે નિયત ફી વસૂલીને કાયદેસર કરવા માટે ઇમ્પેક્ટ ફી કાયદો અમલી બનાવવામાં આવ્યો હતો. પરંતુ આ કાયદાને ઓછો પ્રતિસાદ મળતાં સતત ચોથી વખત મુદત વધારવામાં આવી છે.
- text
