- text
મોરબી : આજે 13 જૂનના રોજ જિલ્લા વિકાસ અધિકારી તથા મુખ્ય જિલ્લા આરોગ્ય અધિકારીનાં સીધા માર્ગદર્શન હેઠળ ડીસ્ટ્રીક્ટ ટોબેકો કંટ્રોલ સેલ તથા તાલુકા હેલ્થ ઓફિસ મોરબી દ્વારા ઘુંટુ પ્રાથમિક આરોગ્ય કેન્દ્ર ખાતે કેન્સર રોગ અંગેનો સ્ક્રીનિંગ કેમ્પ યોજાયો હતો.
આ કેમ્પને દિપ પ્રાગટ્ય કરીને ખુલ્લો મુકવામાં આવ્યો હતો. આ કેમ્પમાં ગુજરાત કેન્સર રિચર્સ ઈન્સ્ટિટ્યૂટ- અમદાવાદ તથા સૌરાષ્ટ્ર કેન્સર કેર- રાજકોટ ખાતેથી કેન્સર રોગનાં નિષ્ણાત ડોક્ટરો હાજર રહ્યા હતા. જેઓ દ્વારા કેમ્પમાં આજુ બાજુનાં ગામડામાંથી તથા કારખાનામાંથી આવેલા કુલ 140 દર્દીઓનું સ્ક્રીનિંગ કરવામાં આવ્યું હતું. જેમાં ઓરલ કેન્સરના 45 શંકાસ્પદ દર્દીઓ અને બ્રેસ્ટ અને સર્વાઈકલ કેન્સરના 95 શંકાસ્પદ દર્દીઓનું સ્ક્રીનીંગ કરી રોગ અંગે માર્ગદર્શન પણ આપવામાં આવ્યું હતું. જે દર્દીઓમાં શંકાસ્પદ લક્ષણો દેખાયા તેઓના સેમ્પલ કલેક્શન કરવામાં આવ્યા હતા તથા આગળની તપાસ તથા સારવાર માટે રાજકોટ અને અમદાવાદ ખાતે રીફર કરવામાં આવ્યા હતા. આ કેમ્પને સફળ બનાવવા માટે તાલુકા હેલ્થ ઓફિસર ડો.રાહુલ કોટડીયા તથા પ્રા.આ.કેન્દ્રનાં સ્ટાફ દ્વારા ભારે જહેમત ઉઠાવવામાં આવી હતી.
- text
- text
