- text
મોરબી : લાયન્સ કલબ ઓફ મોરબી સિટી, શ્રી ક્રિષ્ના ચેરીટેબલ એન્ડ એજ્યુકેશન ટ્રસ્ટ મોરબી, અને ડીવાઈન ચેરીટેબલ ફોર હેલ્થએન્ડ એજ્યુકેશન ટ્રસ્ટનાં સંયુક્ત ઉપક્રમે રણછોડનગર કષ્ટભંજન હનુમાનજી મંદિર, નવલખી રોડ, મોરબી ખાતે વિના મૂલ્યે દંત યજ્ઞ અને બત્રીસી કેમ્પ યોજાયો હતો.
આ કેમ્પમાં જાહેર જનતાના લાભાર્થે આયુર્વેદની ઉત્તમ જાલંધર બંધ પધ્ધતિથી લાભાર્થીઓના હલતા દાંત તેમજ પેઢામાં થતાં દુઃખાવા માટે ઈન્જેકશન વગર સારવાર કરવામાં આવી હતી અને હલતા કે દુઃખતા દાત કાઢી આપવામાં આવ્યા હતા.આ દંત યજ્ઞ કેમ્પમાં કુલ 50 લાભાર્થીઓએ લાભ લીધો હતો, જેમાં 14 લાભાર્થીઓને વિનામુલ્યે દાંતની બત્રીસી બનાવી આપવામાં આવી હતી.આ કેમ્પના મુખ્ય દાતાઓ ઠકરાર ફેમિલી યુ.કે. તથા ક્રિષ્ના ચેરીટેબલ એન્ડ એજ્યુકેશન ટ્રસ્ટ મોરબીના સંયુક્ત આર્થિક સહયોગથી યોજાયો હતો. લાયન્સ કલબ ઓફ મોરબી સીટીના પ્રેસિડેન્ટ લા.કેશુભાઈ દેત્રોજા, સેક્રેટરી લા. ત્રિભોવનભાઈ ફુલતરિયા, ખજાનચી લા.મણિલાલ કાવર, સૌરાષ્ટ્ર કચ્છના ફર્સ્ટ વાઈસ ડિસ્ટ્રિક્ટ ગવર્નર લા. રમેશભાઈ રૂપાલા ઉપસ્થિતિ રહી દિપ પ્રાગટય કરી કેમ્પને ખૂલ્લો મુક્યો હતો.
- text
આં કેમ્પને સફળ બનાવવા રાષ્ટ્રીય દંત ચિકિત્સક ડો.જયસુખભાઇ મકવાણા, ડૉ.મોનિકાબેન ભટ્ટ, ડૉ. અભિજા બહેન, ડૉ. ઉષા ઘાયલ, જાગૃતિબેન ચૌહાણ, લા.ચંદુભાઈ કુંડારિયા, લા.નાનજીભાઈ મોરડીયા, લા. મનસુખભાઇ જાકાસણિયા, લા. રશ્મિકાબેન રૂપાલા, સાંઈ મંદિરના મહંત દ્વારા જહેમત ઉઠાવવામાં આવી હતી. તેમ લાયન્સ કલબ ઓફ મોરબી સિટીનાં સેક્રેટરી ટી.સી. ફૂલતરીયાની યાદી જણાવવામાં આવ્યું છે.
- text
