- text
મોરબી : મોરબી તાલુકાના ઘુંટુ ગામની સીમમાં આવેલ રોલેક્સ સિરામિક ફેકટરીના ગેઇટ પાસેથી અંદાજે પચીસેક વર્ષની ઉંમરના અજાણ્યા યુવાનનો મૃતદેહ મળી આવ્યા બાદ મોરબી તાલુકા પોલીસની તપાસમાં મૃતક યુવાનની ઓળખ મળી છે. મૃતક મધ્યપ્રદેશના જાંબુઆ જિલ્લાનો વતની હોવાનું અને મારમોલા સિરામિક ફેકટરીમાં કામ કરતો હોવાનું બહાર આવતા હાલ પોએમ રીપોર્ટની રાહ જોવાઇ રહી છે.
- text
જાણવા મળતી વિગતો મુજબ મોરબીના ઘુંટુ રોડ ઉપર આવેલ રોલેક્સ સિરામિક ફેકટરીના ગેઇટ પાસેથી અજાણ્યા યુવાનનો મૃતદેહ મળી આવતા મોરબી તાલુકા પોલીસે તપાસ શરૂ કરતા મૃતક મધ્યપ્રદેશના જાંબુઆ જિલ્લાના ભામલ ગામનો દિનેશ બળધાભાઈ ભુરિયા ઉ.28 હોવાનું અને મૃતક જુના ઘુંટુ રોડ ઉપર આવેલ મારમોલા સિરામિક ફેકટરીમાં કામ કરતો હોવાનું હાલ બહાર આવ્યું છે. વધુમાં મૃતક યુવાનની હત્યા કરાઈ છે કે કેમ તે જાણવા હાલમાં મોરબી તાલુકા પોલીસ વિશેરા અને ફોરેન્સિક પીએમ રીપોર્ટની રાહ જોઈ રહી હોવાનું જાણવા મળે છે.
- text
