- text
મોરબીના લખધીરપુર રોડથી સર્વીસ રોડ ઉપર જતા કુબેર ટોકીઝ પાસે બનેલા બનાવમાં પોલીસે રીક્ષાચાલકને તત્કાલ પકડી પાડ્યો, બે ફરાર
મોરબી : મોરબી – વાંકાનેર નેશનલ હાઇવે ઉપર લખધીરપુર રોડથી સર્વીસ રોડ ઉપર જતા કુબેર ટોકીઝ પાસે ટ્રકની સાઈડ કાપીને કાર સામે રીક્ષા ઉભી રાખી દઈ સીનસપાટા કરી આજે તો તને પતાવી દઉં કહી વેપારી યુવાન ઉપર છરીથી હુમલો કરનાર રીક્ષાચાલકને મોરબી સીટી એ ડિવિઝન પોલીસે તત્કાલ દબોચી લઈ કાયદાનું ભાન કરાવ્યું હતું.
બનાવ અંગે જાણવા મળતી વિગતો મુજબ મોરબી – વાંકાનેર નેશનલ હાઇવે ઉપર લખધીરપુર રોડથી સર્વીસ રોડ ઉપર જતા કુબેર ટોકીઝ પાસે જયદિપભાઇ ગટોરભાઇ રાછડીયા રહે.મોરબી રવાપર રોડ નીલકંઠ સ્કુલની સામે વિશ્વકર્મા સોસાયટી વાળા કાર લઈને પસાર થતા હતા ત્યારે સામેથી ટ્રકની સાઈડ કાપી બેફામ ઝડપે આવતા આરોપી રીક્ષા ચાલક રવીભાઇ નીતીનભાઇ સોલંકી રહે.માધાપર શેરી નં.17 નામના શખ્સે રોડની વચ્ચે રીક્ષા ઉભી રાખી દેતા જયદીપભાઈએ રીક્ષા ધીમે ચલાવવાનું કહેતા આરોપી રવિ ઉશ્કેરાઈ ગયો હતો અને વેપારી જયદીપભાઈ સાથે ઝઘડો કરી ગાળો આપી ઝપાઝપી કરી હતી. બરાબર આ જ સમયે અન્ય બે અજાણ્યા શખ્સો પણ આવી ગયા હતા જેમને જયદીપભાઈને પકડી રાખતા આરોપી રવિ એ પોતાની પાસે રહેલી છરીનો ઘા જયદીપભાઈને ઝીકી દીધો હતો.
- text
જો કે, દાદાગીરીની આ ગંભીર ઘટનામાં મોરબી સીટી એ ડિવિઝન પોલીસે વેપારી જયદિપભાઇ ગટોરભાઇ રાછડીયાની ફરિયાદને આધારે તાત્કાલિક માથાભારે ઝનૂની રીક્ષા ચાલક વિરુદ્ધ ગુન્હો દાખલ કરી તાત્કાલિક આરોપી રવીભાઇ નીતીનભાઇ સોલંકીને ઝડપી લઈ કાયદાનું ભાન કરાવી અન્ય બે અજાણ્યા ઈસમોને ઝડપી લેવા તજવીજ શરૂ કરી છે.
- text
