- text
મોરબી : મોરબી તાલુકાની રોટરીગ્રામ (અ.) પ્રાથમિક શાળામાં શાળા પરિવાર અને રોટરીગ્રામ ગામ સમસ્ત દ્વારા શાળાના શિક્ષિકા અને શાળાના આચાર્ય અને જિલ્લા પ્રાથમિક શિક્ષક સંઘના પૂર્વપ્રમુખ મણીલાલ વી.સરડવાના પત્ની કંચનબેન ડી. બોડાનો વિદાયમાન સન્માન કાર્યક્રમ યોજાયો હતો.
વિદાયમાન સન્માન સમારોહમાં મહેમાનો, અધિકારીઓ, દાતાઓ અને સમસ્ત ગ્રામજનો હાજર રહ્યા હતા. રોટરીગ્રામ (અ.) ખાતે નોકરી કરતા શિક્ષિકા કંચનબેન દામજીભાઈ બોડા નિવૃત્ત થતાં ગ્રામજનોએ ભાવભેર વિદાય આપી હતી. નિવૃત્ત થતા શિક્ષિકા કંચનબેન બોડા તરફથી પે સેન્ટર પરિવારની પાંચેય શાળાના બાળકોને સ્કૂલબેગ, પાંચેય સ્કૂલોમાં રામહાટ અર્પણ કરીને 300 બાળકોને ખુશ કરી મસમોટું પુણ્યનું ભાથું બાંધ્યું હતું. આ પ્રસંગે ગ્રામજનો દ્વારા રોટરીગ્રામમાં ધુવાણાબંધ જમણવારનું આયોજન કરવામાં આવ્યું હતું તેમજ અધિકારીઓ, કર્મચારીઓ તેમજ ગ્રામજનો દ્વારા કંચનબેન દામજીભાઈ બોડાને ભાવભેર વિદાયમાન સન્માન આપવામાં આવ્યું હતું.
- text
આ પ્રસંગે બગથળા નકલંક મંદિરના મહંત પૂજય દામજી ભગતે હાજરી આપી આશીર્વચન પાઠવ્યા હતાં. આ ઉપરાંત સમૂહલગ્ન સમિતિના પ્રમુખ મનુભાઈ કૈલા, રાષ્ટ્રીય શૈક્ષિક મહાસંઘના સૌરાષ્ટ્ર પ્રાંતના સંગઠન મંત્રી હિતેશભાઈ ગોપાણી, મોરબી જી.પ્રા.શિ.સંઘના પ્રમુખ ઘનશ્યામભાઈ દેથરિયા, મહામંત્રી દિનેશભાઈ હુંબલ, નરેન્દ્રભાઈ કાલરીયા, શૈક્ષિક મહાસંઘ તરફથી મહામંત્રી કિરણભાઈ કાચરોલા, રાકેશભાઈ કાંજીયા, કેની અશોકભાઈ વડાલિયા, તા. શાળા પરિવાર, ગ્રામજનો સગા સબંધી દાતાઓ વગેરેએ આ ત્રિવિધ કાર્યક્રમમાં હાજરી આપી હતી. શૈલેષભાઈ ઝાલરીયા, હર્ષદભાઈ મારવણીયા અને અશ્વિનભાઈ એરણીયાની જોડીએ સંગીતની મોજ કરાવી હતી. બાળકોનો રંગારંગ કાર્યક્રમ પણ યોજાયો હતો. આ સમારોહ અંતર્ગત શાળાના 20 વર્ષ પૂર્ણ થતાં ગામના વડીલો દ્વારા વીસ દિપજ્યોત પ્રજજવલિત કરી દ્વિદશાબ્દિ સમારોહ યોજાયો હતો. સાથે સાથે શાળાના કાયમી દાતાઓનું સન્માન કરવામાં આવ્યું હતું. શાબ્દિક સ્વાગત આચાર્ય મણીભાઈ અને આભાર વિધિ આદ્રોજા ગજાનનભાઈએ કરી હતી. સમગ્ર કાર્યક્રમનું સફળ સંચાલન શિક્ષક પ્રાણજીવન વિડજા દ્વારા કરવામાં આવ્યું હતું. આ કાર્યક્રમ શાળાના ભૂતપૂર્વ વિદ્યાર્થીઓ તરફથી તેમજ શાળા પરિવાર વતી કરવામાં આવ્યો હતો.
- text
