- text
મોરબી : મોરબીના મહેન્દ્રપરામાં રહેતા રાઘવ રાજેશભાઇ કાથરાણી અને તેમના મિત્ર ગેસ્ટ હાઉસ રોડ ઉપર આજે ઇલેક્ટ્રિક મોપેડ લઈને પસાર થઈ રહ્યા હતા. ત્યારે ઇલેક્ટ્રિક મોપેડમાં અચાનક ધુમાડા નીકળતા મોપેડ સાઈડમાં રાખીને બન્ને યુવાનો સલામત સ્થળે ખસી જતા જાનહાની થઈ ન હતી. ત્યારબાર ઇલેક્ટ્રિક મોપેડમાં આગ લાગી હતી અને જોતજોતામાં આ બાઇક ભડભડ સળગી ઉઠતા આ બાઇક આખું સળગી ગયું હતું. ચાલુ મોપેડે રોડ ઉપર બેટરીમાં આગ લાગતા આ મોપેડ આખું સળગી ગયું હતું અને આગ લાગે તે પહેલાં બન્ને યુવાનો મોપેડ ઉપરથી ઉતરી જતા કોઈ જાનહાની થઈ નથી.
- text
- text
