- text
ત્રણ તસ્કરો કેમેરામાં કેદ થતા પોલીસને ખુલ્લો પડકાર
ટંકારા : ટંકારા પંથકમાં સતત તસ્કરોનો તરખાટ વધી રહ્યો છે. તસ્કરોએ મંદિર બાદ સોસાયટીને નિશાન બનાવીને ચોરી કરી ફરાર થઇ ગયા હતા. જો કે, ત્રણ તસ્કરો સીસીટીવી કેમેરામાં કેદ થતા પોલીસ સામે પડકાર ઉભો થયો છે.
આ બનાવની પ્રાપ્ત વિગતો અનુસાર ટંકારા પંથકમા પોલીસને બદલે તસ્કરોનુ સતત નાઈટ પેટ્રોલીંગ થઈ રહ્યું હોય એમ સતત ચોરીના બનાવો વધી રહ્યા છે. જેમાં ગઈકાલે ટંકારાના નશિતપર ગામે મંદિરની ચોરી બાદ આજે ફરી સોસાયટીમા ધુસી નિરાંતે ચોરીને અંજામ આપ્યો હતો અને ટંકારાના ઈન્દ્રપ્રસ્થમાં એક મકાનને નિશાન બનાવી સોસાયટીમાથી ૨ બાઈકની ચોરી કરી અંધારામાં ઓગળી ગયા હતા. જો કે આ ચોરી કરનાર ત્રણ તસ્કરો સીસીટીવી કેમેરામાં કેદ થઈ ગયા છે. સતત ચોરીના બનાવો વધતા લોકોમાં ફફડાટ ફેલાયો છે.
- text
- text
