- text
મોટી સંખ્યામાં મુસ્લિમ બિરાદરોએ ઇદગાહ દરગાહ ખાતે સામુહિક નમાઝ અદા કરી એકમેકને ગળે ભેટી ઈદની શુભકામનાઓ પાઠવી
મોરબી : મોરબીમાં આજે મુસ્લિમ બિરાદરો દ્વારા બકરી ઈદની હર્ષોલ્લાસભેર ઉજવણી કરવામાં આવી હતી. જેમાં મોટી સંખ્યામાં મુસ્લિમ બિરાદરોએ ઇદગાહ દરગાહ ખાતે સામુહિક નમાઝ અદા કરી એકમેકને ગળે ભેટી ઈદની શુભકામનાઓ પાઠવી હતી.
મોરબીમાં મુસ્લિમ સમાજ દ્વારા આજે બકરી ઈદની શાનો શોકત સાથે ઉજવણી કરવામાં આવી હતી. આજે બકરી ઈદ નિમિતે હજારોની સંખ્યામાં જુના બસ સ્ટેન્ડ પાસે આવેલ ઈદગાહ દરગાહ ખાતે મુસ્લિમ બિરાદરો એકઠા થયા હતા અને મોટી સંખ્યામાં મુસ્લિમ બિરાદરોએ અલ્લાહતાલા સમક્ષ સામુહિક નમાઝ અદા કરી હતી. તેમજ અલ્લાહ પાસેથી ભારત સહિત સમગ્ર વિશ્વમાં કાયમ માટે શાંતિ રહે અને ભાઈચારો અંખડ રહે તેવી દુઆઓ માંગી હતી. બાદમાં તમામ મુસ્લિમ બિરાદરોએ એકમેકને ગળે ભેટી ઈદની મુબારકબાદી પાઠવી હતી.
- text
- text
