- text
મોરબી : મોરબી બુટાવાડીના ભુરજીભાઈ પરમાર દર વર્ષે શાળા પ્રવેશોત્સવ વખતે વિદ્યાર્થીઓને સ્કૂલબેગ અર્પણ કરતાં હોય છે. ત્યારે આ વર્ષે પણ તેઓએ માધાપરવાડી શાળામાં વિદ્યાર્થીઓને સ્કૂલબેગ ભેટ આપી છે.
આ વર્ષે ભુરજીભાઈ પરમારે વજેપરવાડી, માધાપરવાડી, બુટાવાડી બોરીયાપાટી, સભારાવાડી, તેજાણીવાડી વગેરે પ્રાથમિક શાળાના પ્રવેશપાત્ર 200 જેટલા બાળકોને સ્કૂલ બેગ અર્પણ કરીને બાલ દેવો ભવ:ની ઉક્તિને સાર્થક કરી છે. ચાલુ વર્ષે બીપરજોય વાવાઝોડાના કારણે કન્યા કેળવણી મહોત્સવ અને પ્રવેશોત્સવ મોકૂફ રહેતા શાળા કક્ષાએ પ્રવેશોત્સવની ઉજવણી કરી બાલવાટીકા અને પહેલા ધોરણમાં પ્રવેશ પામેલ બાળકોને સ્કૂલબેગ અર્પણ કરવામાં આવી હતી અને બંને શાળાના આચાર્ય દિનેશભાઈ વડસોલા અને તુષારભાઈ બોપલીયા તેમજ એસ.એમ.સી.ના અધ્યક્ષ કાળુભાઈ વી.પરમારે દાતા ભુરજીભાઈ પરમારનું સાલ ઓઢાડી સન્માન કર્યું હતું.
- text
- text
