- text
સોમવારે મોડી સાંજે હળવદ હાઇ-વે ઉપર બન્યો બનાવ
હળવદ : હળવદ હાઇ-વે પર આવેલ ત્રણ રસ્તા નજીક મૂળ છોટાઉદેપુરના અને હાલ હળવદ પંથકમાં મજૂરી કામ કરતા 63 વર્ષીય વૃધ્ધ બાઇક પર જતા હતા ત્યારે ઓચિંતાના ચક્કર આવતા નીચે પટકાયા હતા.જો કે આ વૃધ્ધનું હોસ્પિટલે પહોંચે તે પહેલા જ મોત નીપજ્યું હતું.
બનાવની જાણવા મળતી વિગતો મુજબ હળવદ હાઇ-વે પર આવેલ ત્રણ રસ્તા નજીક સોમવારે બપોર બાદ સુખીયાભાઈ ઉદેશીંગભાઇ નાયકા ઉંમર વર્ષ 63 રહે મૂળ છોટાઉદેપુર હળવદ પંથકમાં મજૂરી કામ કરવા માટે આવ્યા હતા. અને ત્રણ રસ્તા નજીક બાઇક પરથી પસાર થતી વેળાએ ચક્કર આવતા તેઓ નીચે પટકાયા હતા. જેથી આ બનાવની જાણ 108 ની ટીમને કરાતા વૃધ્ધને સારવાર માટે હળવદ સરકારી હોસ્પિટલ ખાતે લઈ આવવામાં આવ્યા હતા જોકે સારવાર મળે તે પહેલા જ આ સુખીયાભાઈનુ મોત નીપજ્યું હતું.
- text
- text
