- text
વર્તમાન ટ્રસ્ટ મંડળના 6 ઉમેદવારોનો ભવ્ય વિજય
મોરબી : રામાનંદી સાધુ જ્ઞાતિ ટ્રસ્ટ- મોરબી માળીયા (મી.)ના નવા ટ્રસ્ટી મંડળની રચના કરવામાં આવી છે. ગઈકાલે તારીખ 25 જૂનના રોજ રામાનંદ ભવન રામઘાટ મોરબી ખાતે સભાસદ દ્વારા ઉત્સાહપૂર્વક મતદાન કરવામાં આવ્યું હતું. જેમાં બે પેનલના મળીને 11 ઉમેદવારોએ ઉમેદવારી નોંધાવી હતી. મતદાન પૂર્ણ થયા બાદ મતગતણરી કરવામાં આવી હતી. જેમાં 6 થી 11 નંબરના ઉમેદવારોને વિજેતા ટીમ જાહેર કરવામાં આવી હતી.
તમામ 11 ઉમેદવારોના મતની વાત કરીએ તો, 1) અરુણાબેન એમ. રામાવતને 87 2) જાગૃતિબેન સી. રામાવતને 75 3) સરોજબેન આર. રામાવતને 7 4) હરકાંતભાઈ જી. અગ્રાવતને 67 5) નિલકમલભાઈ આર. નિમાવતને 72 6) હિતેશભાઈ ડી. રામાનુજને 284 7) ભુપેન્દ્રભાઈ (ભુપતભાઈ) ટી. અગ્રાવતને 288 8) રવિભાઈ સી. રામાનુજને 283 9) હિતેશભાઈ બી. રામાવતને 265 10) પરેશભાઈ કે. રામાવતને 213 અને 11) જીતેન્દ્રભાઈ એમ. રામાવત 264 મતો મળ્યા હતા. જેમાં 6 થી 11 નંબરના ઉમેદવારોને વિજેતા ટીમ જાહેર કરવામાં આવી હતી. વર્તમાન ટ્રસ્ટ મંડળની પેનલ દ્વારા 6 ઉમેદવારો ચૂંટણી મેદાનમાં ઉતારવામાં આવ્યા હતા જે જંગી બહુમતીથી ચુંટાઈ આવ્યા છે. નવી પેનલના હોદ્દેદારોની વાત કરીએ તો પ્રમુખ તરીકે ભુપેન્દ્રભાઈ (ભુપત ભાઈ) તુલસીદાસ અગ્રાવત (રવાપર), ઉપ પ્રમુખ તરીકે હિતેશભાઈ ડી. રામાનુજ (મોરબી-2), મંત્રી તરીકે હિતેશભાઈ બી. રામાવત (મોરબી), ખજાનચી તરીકે રવિભાઈ સી. રામાનુજ (નાની વાવડી) ટ્રસ્ટી તરીકે પરેશભાઈ કે રામાવત અને જીતેન્દ્રભાઈ એમ. રામાવતની નિયુક્તિ કરવામાં આવી છે. વિજેતા પેનલે મતદારોનો આભાર આ તકે વ્યક્ત કર્યો છે.
- text
- text
