- text
મોરબી : મોરબીમાં સદગુરુ કેશવાનંદ બાપુ ગુરૂદેવ મહેશ્વરાનંદ બાપુના સાનિધ્યમાં તા. 3 જુલાઈને અષાઢ સુદ પુનમને ગુરૂપૂર્ણિમાના દિવસે શાંતિવન આશ્રમ ખાતે સવારે 7 કલાકે ગુરૂપૂજન તથા ગુરૂ યાગનું આયોજન કરવામાં આવ્યું છે. તેમજ સાંજે સત્યનારાયણની કથા અને રાત્રીના 10 કલાકે સંતવાણી કાર્યક્રમ યોજાશે.
આ સંતવાણી કાર્યક્રમમાં ભજનિક લલીતાબેન ધોડાદ્રા, કિશોરભાઈ વાઘેલા, બેન્જોવાદક વિજયભાઈ મકવાણા, ઉસ્તાદ લાલાભાઈ (રાજકોટવાળા), ઉસ્તાદ દેવાંગભાઈ (કાપડી), વાયોલીન વાદક રાહુલભાઈ મકવાણા સંગીતમય શૈલીમાં ભજનની રમઝટ બોલાવશે. આ સંતવાણી કાર્યક્રમમાં સ્ટેજ સંચાલક શૈલેષભાઈ રાવલ રહેશે. તો આ ધાર્મિક કાર્યક્રમનો મોરબી તેમજ આસપાસની જનતાને લાભ લેવા શાંતિવન આશ્રમ દ્વારા નિમંત્રણ પાઠવવામાં આવ્યું છે.
- text
- text
