- text
મોરબી : મોરબીમાં સમસ્ત ચારણ-ગઢવી સમાજ દ્વારા આઈ સોનલ માતાજીના મંદિરનો ત્રિદિવસીય ભવ્ય પ્રાણ પ્રતિષ્ઠા મહોત્સવનું આયોજન કરવામાં આવ્યું છે. ચારણ-ગઢવી સમાજ દ્વારા મોરબીના લીલાપર રોડ પર આવેલી ચારણ સમાજની વાડી ખાતે તારીખ 25 જૂન થી 27 જૂન ત્રણ દિવસ સુધી ભવ્યાતિભવ્ય પ્રાણ પ્રતિષ્ઠા મહોત્સવનું આયોજન કરવામાં આવ્યું છે.
પ્રથમ દિવસે તારીખ 25 જૂન ને રવિવારે સાંજે 5 કલાકે સોનલમાની મૂર્તિની નગરયાત્રા ગોવિંદભા રાજૈયા તથા નાનભા રાજૈયાના નિવાસ સ્થાનેથી ચારણ સમાજની વાડી સુધી નીકળશે. જેથી આ રથયાત્રામાં આઈ સોનલ માના દર્શન માટે સૌને ભાવભર્યું આમંત્રણ પાઠવાયું છે.
બીજા દિવસે તારીખ 26 જૂન ને સોમવારે સાંજે ભવ્ય લોકડાયરાનું આયોજન કરવામાં આવ્યું છે. જેમાં ગુજરાતના લોકસાહિત્યકાર બ્રિજરાજદાન ગઢવી, હાસ્યકલાકાર હકાભા ગઢવી, ચારણી ચરજોના કલાકાર જયદાન ગઢવી તથા મોરબીનું ઘરેણુ એવા લોકસાહિત્યકાર રાજુભાઈ આહિર દ્વારા ચારણી ચરજો, દુહાછંદ અને હાસ્યની છોળો સાથે ભવ્ય સંતવાણી કરવામાં આવશે. જયારે ત્રીજા દિવસે તારીખ 27 જૂન ને આઈ સોનલ માની મૂર્તિની પ્રાણપ્રતિષ્ઠા કરી મહાપ્રસાદ લઈ પૂર્ણાહુતિ કરવામાં આવશે.
- text
- text
