મોરબી : મોરબીના જાણીતા સિમ્પોલો ગ્રુપ દ્વારા મોરબી ખાતે 13 અને 14 ફ્રેબ્રુઆરીના રોજ કર્મચારીઓ માટે બોક્સ ક્રિકેટ ટુર્નામેન્ટનું આયોજન કરવામાં આવ્યું હતું.સિમ્પોલો ગ્રુપ હંમેશા માને છે કે, માનવ સંસાધન એક મૂલ્યવાન સંપત્તિ છે કારણ કે તેઓ ટીમ વર્કનું સૌથી મૂલ્યવાન મૂલ્ય દર્શાવે છે, જે આ જૂથના મહત્વપૂર્ણ મૂલ્યોમાંનું એક છે. આ મૂલ્યોને ધ્યાનમાં રાખીને તેમજ કર્મચારીઓનું વાતાવરણ તાણમુક્ત બનાવવાના ઉદ્દેશ્યો સાથે, સંલગ્નતા, કામ પર આનંદ' જેવા પાસાને ધ્યાન માં રાખી બોક્સ ક્રિકેટ ટુર્નામેન્ટનું આયોજન કરેલ હતું. સિમ્પોલો ગ્રુપના વિઝનરી લીડર, સી.એમ.ડી, જીતેન્દ્ર અઘારા દ્રઢપણે માને છે કે જ્યારે લોકો કામના વાતાવરણથી બહાર એક સામાન્ય ધ્યેય માટે ભેગા થાય છે, ત્યારે તેઓ માનસિક અને શારીરિક રીતે વધુ ફિટ થવાનું વલણ ધરાવે છે, એક બીજા સાથે સહયોગમા વધારો થાય છે, કામ કરતા સમય પ્રોડક્ટિવિટી-કાર્યક્ષમતા માં વધારો થાય છે. આ રમતગમત આગેવાન અને કર્મચારીઓને એકસાથે લાવે છે અને નેતૃત્વ કૌશલ્યોને વિકસાવવામાં મદદ કરે છે. “ફિલ્ડ પર દરેક જણ સમાન છે” અને આ સહભાગિતાને પ્રોત્સાહિત કરે છે. લોકો પોતાની રીતે રમવા માટે બહાર આવે છે. રમતગમતની ઘટનાઓ લોકોમાં રહેલી સહજ નેતૃત્વ કૌશલ્યને બહાર લાવવામાં મદદ કરે છે. જ્યારે સિમ્પોલો ગ્રૂપના ચીફ મેનેજિંગ ડિરેક્ટર જિતેન્દ્ર અઘારા કહે છે કે, આવી ઇવેન્ટ્સ અમને સિમ્પોલોના ભાવિ લીડર્સ વિકસાવવામાં મદદ કરે છે.
.jpg)
