મોરબીઃ ઈન્ડિયન મેડિકલ એસોસિએશન- મોરબી તથા મોરબી ઓબ્સ્ટ્રેટીક્સ ગાયનેક સોસાયટી તથા એસોસિએશન ઓફ પેડીયાટ્રિશિયન-મોરબી દ્વારા આગામી તારીખ 15 અને 16 ઓક્ટોબરના રોજ ગર્ભ સંસ્કાર સેમિનારનું આયોજન કરવામાં આવ્યું છે. મોરબીના રવાપર રોડ પર આવેલી નિલકંઠ સ્કૂલની સામે આઈ.એમ.એ.હોલમાં આ સેમિનાર યોજાશે. ગર્ભ સંસ્કાર સેમિનારમાં ગર્ભમાના શિશુના વિકાસનું વિજ્ઞાન, ગર્ભાવસ્થામાં આસન, પ્રાણાયમ, ધ્યાન, ગર્ભાવસ્થામાં આહાર-વિહારની સમજ, મંત્ર, શ્લોક, પ્રાર્થના અને સંગીતની અસર, ગર્ભાવસ્થામાં પ્રસુતિ દરમિયાન, પ્રસુતિ પછીની સંભાળ, નવજાત શિશુની સંભાળ સહિતના વિષયોની સમજ આપવામાં આવશે. સેમિનારનો સેશન-1 તારીખ 15 ઓક્ટોબરને શનિવારના રોજ બપોરે 3 થી 5-30 વાગ્યા દરમિયાન યોજાશે. સેશન-2 16 ઓક્ટોબર ને રવિવારના રોજ સવારે 7 થી 9-30 વાગ્યા દરમિયાન યોજાશે અને સેશન-3 16 ઓક્ટોબરે રવિવારના રોજ બપોરે 3 થી 5-30 વાગ્યા દરમિયાન યોજાશે. સેમિનારમાં ગર્ભવતી સ્ત્રી અને સંતાન ઈચ્છુક સ્ત્રીઓ અને ગર્ભ સંસ્કાર વિશે જાણવા ઈચ્છુક સ્ત્રીઓ ભાગ લઈ શકશે. રજિસ્ટ્રેશન માટે ડો. કૃષ્ણ ચગ (મો.નં. 9106890800) નો સંપર્ક કરવો.
.jpg)
